Эрхэт Тэгри Шагай болон Ондилт Шутис Шаркс багуудын цуврал 5 дах тоглолтоор шийдэгдэхээр боллоо

МСБХ-ны М Хөгжлийн Лигийн эмэгтэй плей-оффын эхний шатанд учраа таарсан Эрхэт Тэгри Шагай болон Ондилт Шутис Шаркс багуудын цуврал 5 дах тоглолтоор шийдэгдэхээр боллоо.

Тус  тоглолтод ялалт байгуулсан баг нь шигшээ тоглолтод шалгарахаас гадна Үндэсний Дээд Лигийн 5 болон 6 байраар шалгарсан багуудтай Play-in тоглолт хийх эрхээ авах юм.

Эрхэт Тэгри Шагай багийн хувьд М Хөгжлийн Лигийн эмэгтэй хүснэгтийг тэргүүлсэн бөгөөд 4-р байраар шалгарсан Ондилт Шутис Шаркс багтай эхний шатанд таарч тоглож байгаа юм.

Хоёр багийн цувралын 3 дах тоглолт эхнээсээ маш ширүүн өрсөлдөөнтэй явагдсан хэдий ч тоглолтын 4-р үед Эрхэт Тэгри Шагай багийн ахлагч Д.Үүрийнтуяа 11 оноог авч багтаа онооны тэргүүллийг авчирснаар Эрхэт Тэгри Шагай баг 3 дах тоглолтонд хожил байгуулсан билээ.

Цувралын 4 дэх тоглолт Ондилт Шутис Шаркс багийн хувьд заавал хожих ёстой тоглолт байсан бөгөөд  тоглолтын эхнээс хэмнэлийг удирдан онооны давуу байдлаа хадгалан явсаар ялалт байгуулсан юм.

Тус тоглолтонд Ондилт Шутис Шаркс багийн довтлогч Б.Мичид 13 оноо 20 самбар авч хувийн статистикаар багаа тэргүүлжээ.

Хоёр багийн цувралын шийдвэрлэх 5 дах тоглолт 2024 оны 1 сарын 6-нд 09:00 цагаас Спортын Төв Ордонд явагдах ба хожсон баг нь дараагийн шатанд шалгарахаас гадна Play-in-д тоглох эрхээ авах чухал тоглолт болох юм.