Д.Отгонзаяагийн хувьд 3 тоглолт дараалан 30-аас дээш оноо аваад байна

МСБХ-ны М Хөгжлийн Лигийн эмэгтэй плей-оффын эхний шатанд учраа таарсан Баянгол Мон Пон болон Хөвсгөл Капитан багуудын цувралын харьцаа 2:2 болон тэнцсэж 5 дах тоглолтод ялалт байгуулсан баг нь шигшээ тоглолтод шалгарахаас гадна Үндэсний Дээд Лигийн 5 болон 6 байраар шалгарсан багуудтай Play-in тоглолт хийх эрхээ авах юм.

Цувралын 3 дах тоглолтонд тоглолтын эхнээс Хөвсгөл Капитан баг багаараа сайн тоглолтыг үзүүлж тэр тусмаа багийн довтлон тоглогч Ж.Бямбажав 16 оноо 20 самбар авч маш сайн тоглолтыг үзүүлж энэхүү тоглолтод ялалт байгуулж 2-1 харьцаатай тэргүүлж эхэлсэн билээ.

Мөн тус тоглолтонд Хөвсгөл Капитан багийн довтлогч Д.Отгонзаяа 32 оноо авч бүх тоглогчдыг оноо авалтаар тэргүүлжээ.

Харин цувралын 4 дэх тоглолтод  Баянгол Мон Пон баг тоглолтыг багаараа маш сайн эхлүүлж багийн довтлогчид болох Н.Намуундарь, А.Хонгорзул нарын сайн тоглолтыг үзүүлж онооны тэргүүллийг авч хожил байгуулснаар цувралын харьцааг 2:2 болгон тэнцүүлсэн юм.

Тус тоглолтонд Баянгол Мон Пон багаас Н.Намуундарь 25 оноо авч багаа оноо авалтаар тэргүүлсэн бол Хөвсгөл Капитан багаас Д.Отгонзаяа 30 оноо авсан ч ялалт байгуулахад хангалтгүй байв.

Энэхүү Д.Отгонзаяагийн хувьд 3 тоглолт дараалан 30-аас дээш оноо аваад байна.

Хоёр багийн цувралын 5 дах тоглолт 2024 оны 1 сарын 6-нд 09:00 цагаас Спортын Төв Ордонд явагдах ба хожсон баг нь дараагийн шатанд шалгарахаас гадна Play-in-д тоглох эрхээ авах чухал тоглолт болох юм.