М.Алдартуяа: Миний охин ямар хүний юмыг авчихсан биш, гарч ирээд ажлаа хийх л хэрэгтэй, зоригтой байх хэрэгтэй

Н.Мижидмаа

2024/01/02

Бид Сэтгүүлч Н.Өнөрцэцэгийн аав, ээжийг зорилоо. Тэд Төв аймгийн Алтанбулаг сумандаа өвөлжиж буй. Цас их орж, зам бартаатай байсан тул Улаанбаатар хотоос дөрвөн цагийн зайг туулан очлоо.

Сэтгүүлч Н.Өнөрцэцэгийн аав С.Наран: "Би охиноороо бахархаж явдаг. Миний охин олон ч хүнд буян болсон. Охиноо бушуухан л гаргаад авчихмаар байна. Шөнө 12 цаг гэж унтаад гурван цагаас хойш нойр хүрэхгүй юм. Охиноо бодохоор нулимс гараад хэцүү байна. Одоо гарч ирэхээр нь сэтгүүлчээр нь ажиллуулмааргүй л байна. Өөр аюултай зүйл болох вий гэдгээс айж байна. Хоёр хүү нь хэцүү байна. Миний охинд хийсэн буруу зүйл байхгүй гэдэгт бат итгэж байна" хэмээн ярилаа. С.Наран гуай охиноо хоригдсноос хойш олон өдөр нойр дутуу байгаа тул даралт нь тогтворгүй, толгой нь маш их өвддөг болжээ.

Ээж М.Алдартуяа: "Охин маань уг нь их л бадрангуй байсан. Зариг сайтаа улам том болгоод, ажилчдаа хүнээс дутаахгүй байлгана, надад бодсон зөндөө юм байна гэж их ярьдаг. Саяхан хоёр хүнд зориулж бичсэн захидлыг харахад охин минь шоронд их л дарамтлуулсан юм уу, эсвэл хоёр хүүтэйгээ чимээгүйхэн амьдаръя гээд шантарсан юм болов уу гэж бодсон. Сэтгүүлчээрээ ажиллахгүй гэсэн байна лээ. Би бол сэтгүүлчээрээ ажиллаасай л гэж бодож байна. Ямар хүний юм авчихсан биш, ажил нь юм чинь зоригтой л байх хэрэгтэй" гэв.

Бичлэгээр үзэх:

Бичлэгийг бүтнээр үзэх:

Сэтгэгдэл (36)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

202.55.188.40

2024/01/07

Иргэд Өнөрцэцэг сэтгүүлчийг шантаж хийж авилгал авч их баяжсан гэж хардаад бх шиг. Гэтэл энэ сэтгүүлч бүсгүй Хөгжлийн банкийг хэдэн тэрбумаар нь, нийт нийлбэр нь их наядаар тоологдох мөнгийг тоносон хулгайч луйварчдыг нэрсийг нь ил гарган мэдээлснээр тэд мөнгөө буцааж төлөн ард түмний өмч хөрөнгийг бүрэн бүтэн болгож хохиролгүй болгосон том гавъяатай гэж ойлгож бгаа. Гэхдээ Хөгжлийн банкийг тоногч эрхмүүд Өнөрцэцэгийг араандаа зууж, мөнгө авсан гэх зэргээр худал цуу яриа тарааж баривчлуулаад одоо ямар хэрэг тохох гээд бгаа нь мэдэгдэхгүй огт хамаагүй, ойлгомжгүй юм тулгаад хориод бгаа гэсэн биз дээ. Сонгууль хаяанд тулаад луйвар хулгайд холбогдсон томчууд сонгууль өнгөртөл хорихоор шийдсэн бололтой. Эсвэл Хулан шиг ямар хэрэг хийснээ мэдэхгүй ял авах бдалд оров уу.