"Хасын хүлэгүүд" баг цувралын харьцааг тэнцүүллээ

МСБХ-ны М Хөгжлийн Лигийн плэй-оффын эхний шатанд учираа таарсан Хасын Хүлэгүүд болон Сэлэнгэ Бодонс багуудын цувралын харьцаа 1-1 болж тэнцлээ. Хасын Хүлэгүүд баг улирлалд зүүн бүсийг тэргүүлж плэй-оффт 1-р байраар шалгарч 4-р байраар шалгарсан Сэлэнгэ Боднос багтай учраа таарсан юм.

Цувралын эхний тоглолтын 3-р үе хүртэл Хасын Хүлэгүүд баг 3 онооны шидэлтүүдээ оновчтой болгож сайн тоглолтыг үзүүлж онооны тэргүүллийг авсан. Гэвч тоглолтын шийдвэрлэх 4-р үед Сэлэнгэ Бодонс баг онооны зөрүүг арилгаж улмаар тоглолтын төгсгөлд маш сайн хамгаалалж хожил байгуулсан юм.

Тус тоглолтод Сэлэнгэ Боднос багийн тоглогч С.Анхбаяр 23 оноо авч багаа тэргүүлсэн бол багийн ахлагч М.Саруул 5 бөмбөг таслалт хийж багаа хожил байгуулхад том тус үзүүлсэн байна.

Хоёр багийн цувралын хоёр дах тоглолт маш ширүүн эхэлж эхний 3 үед Сэлэнгэ Бодонс баг онооны тэргүүлэлтэй явсан. Шийдвэрлэх 4-р үед Хасын Хүлэгүүд баг багаараа жигд тоглолтыг үзүүлж онооны тэргүүллийг авч хожил байгуулснаар цувралын харьцааг 1-1 болгож тэнцүүллээ.

Тус хоёр багийн аль хожсон нь цувралыг тэргүүлэх чухал тоглолт 12-р сарын 30-нд Спортын төв ордонд болно.