"Дотоод ертөнцөө чимээлж л амар амгаланг олно" Галлериа Улаанбаатар

Агаарын бохирдол, замын түгжрэл, ахуй амьдрал гээд бухимдах юм олонтой явна уу? Сэтгэлийн амар амгаланг мэдрүүлсэн цэлгэр уудам тал, тэртээд харагдах цагаан гэрүүд, ил гал дээр чанасан хоол цай, шинэхэн өрөм, намрын айраг, за тэгээд голын харгианаас өөр чимээ үгүйг төсөөлөхөд танд ямар мэдрэмж төрж байна? Энэ бүхэн монгол хүний сэтгэлд өөрийн эрхгүй амар амгаланг мэдрүүлэх буй.  

Энэ хүртэл уншсан танд дуулгах сайхан мэдээ байна. Эрхэм уншигч танд бие болоод сэтгэлийн амар амгалан, аз жаргалтай амьдрахын утга учрыг таниулсан дорнын гүн ухаантай холбон дүрсэлсэн Ухаарал, Бясалгал, Гэгээрэл” уран зургийн үзэсгэлэнгээр аялах боломж байна. 

Хүн гэдэг өөрөө өөртөө гэрэл гэгээ, аз жаргал, алив сайхан бүхэн нь гэдгийг бид дотоод ертөнцөө чимээлж л олох боломжтой бөгөөд гаднаас мянгантаа эрээд хэрэггүй аж. Амьдралын утга өнгөн гадарт нь байхгүй, дотоод гүнд нь бий гэдгийг сануулах тус үзэсгэлэнгээр хүрэлцэн ирж их хотын завгүй амьдралд дунд хэсэг ч болов өөрийгөө ажиглаж, үндэсний өв соёлоороо бахархан үнэ цэнийг нь дахин нэг мэдрээрэй. Л.Доржбат зураачийн "УХААРАЛ, ГЭГЭЭРЭЛ, БЯСАЛГАЛ" уран бүтээлийн бие даасан үзэсгэлэн Галлериа Улаанбаатар төвийн 2 давхарт 2023.12.13-12.31 өдрүүдэд дэлгэгдэж байна. 

Их хотын зүрхэн хэсэгт байрлах, Галлериа Улаанбаатар худалдаа үйлчилгээний төв, Монгол үндэсний ёс заншил, соёл, нүүдэлчин ахуйг харуулсан бүтээл туурвидаг, залуу уран бүтээлчдийг дэмжин 2023 оны турш УРАН ЗУРГИЙН ҮЗЭСГЭЛЭН-г тогтмол зохион байгуулсан, энэ жилийг отголж, таны нүдийг төдийгүй сэтгэлийг баясгах үзэсгэлэн таныг хүлээж байна. Стресс бухимдалгүй их хотын соёлтой иргэдтэй болоход урлагийн нөлөөлөл үнэтэй хувь нэмэр оруулна гэдэгт бид итгэлтэй байна.  

Уран бүтээлч:  Art of Dorjoo 

Хугацаа: 2023.12.13– 2023.12.31 хүртэл өдөр бүр 10:00-20:00  

Утас:7510 3003, 9902-3933 

Байршил: Талбайн зүүн талд байрлах Галлериа УБ төв, 2 давхар