С.Амарсайхан: Малчдын орлогыг нэмэгдүүлж, махны чанарыг сайжруулахын тулд 100 тэрбум төгрөг зарцуулна

Шадар сайд С.Амарсайхан: Өнөөдрийн байдлаар 10 гаруй аймгийн 90 гаруй сум цагаан зудтай. Энэ хүрээнд хөдөө аж ахуйн салбар тэр дундаа малчдын маань амьдрал ахуй нөхцөл байдал хүндэрч байна. Цаашдаа ч бас хүндрэх эрсдэлтэй байна. Өвөлжилттэй холбоотой салбар хоорондын уялдаа холбоог хангаж ажиллана. Мөн малчдын орлогыг дээшлүүлж, махны чанарыг сайжруулах, зохих ёсны зохицуулалттай зах зээлд нийлүүлж, экспортлох, мах бэлтгэх үйлдвэрүүдийг дэмжих ажлыг хийнэ. Энэ хүрээнд 100 тэрбум төгрөгийг орон нутагт бэлтгэгдсэн махыг зах зээлд нийлүүлэх чиглэлээр шийдвэрлэсэн. Үүнийг ХХААХҮЯ зохицуулна. Үүнээс гадна тэжээл өвсний хомсдол үүсч байна. Сүүлийн үед орсон цаснаас үүдэж малчид  сум, баг руугаа явахад хүндрэлтэй байгаа. Өвс, тэжээлийн нийлүүлэлт хүндэрсэн. Энэ нь тэжээлийн экспорт зогсоогүйтэй холбоотой байсан. Тийм учраас дотоодын хэрэгцээгээ хангатлаа өвс, тэжээлийн экспортийг түр зогсооно.

Бичлэгээр үзэх: