Өмгөөлөгч Б.Хонгорзул: Н.Өнөрцэцэгт 4 хэргийг нь танилцуулалгүй цагдан хорьсон

Сэтгүүлч Н.Өнөрцэцэгийг цагдан хорьсон асуудлаар өмгөөлөгчид нь мэдээлэл хийлээ. 

Өмгөөлөгч Б.Хонгорзул "Мөрдөн шалгах ажиллагаатай холбоотой мэдээллээс бусад мэдээллийг хүргэхэд миний үйлчлүүлэгч Н.Өнөрцэцэгийг таван хэрэгт мөрдөн шалгаж байгаа. Уг хэргүүдээс нэг хэрэгт яллагдагчаар татагдах тогтоолтой танилцаж байхдаа эрүүл мэндийн шалтгаанаар тухайн ажиллагаа дуусгавар болсон байна. Бусад дөрвөн хэрэгт яллагдагчаар татах тогтоолыг танилцуулаагүй байдаг. Эндээс таслан сэргийлэх арга хэмжээг хэнд авдаг вэ гэдэг асуулт гарч ирнэ. Гэтэл Н.Өнөрцэцэгт таван хэргийг нэгтгээд яллагдагчаар татсан байдаг. Эрүүгийн хэрэг хянан шийдвэрлэх тухай хуульд хэнийг цагдан хорих  гэдэг дээр яллагдагч гэдэг үг бий. Эндээс уг хуулийн

7.1 дүгээр зүйлд 1.Энэ хуульд заасны дагуу эрүүгийн хэрэг үүсгэж яллагдагчаар татах тогтоолтой танилцсан сэжигтнийг яллагдагч гэнэ хэмээн заасан байдаг. 

Тэгэхээр таван хэргийн нэг хэрэгт яллагдагч болсон байдаг. Гэтэл нэгтгэсэн байдлаар яллах тогтоол гаргаж, өөрчилсөн бол үүнийг мөн танилцуулах ёстой байсан. Өөрөөр хэлбэл сэтгүүлч Н.Өнөрцэцэгийг яллагдагч болоогүй байхад үлдсэн дөрвөн хэргийг танилцуулаагүй байхдаа цагдан хорих, таслан сэргийлэх арга хэмжээг авсан нь Эрүүгийн хэрэг хянан шийдвэрлэх тухай хуулийн дагуу яваагүй байна. Энэ нь эрх зүйн олон зүйл заалтыг зөрчсөн, Олон улсын түгээмэл тунхаглал, Иргэний болон улс төрийн эрх зүйн тухай олон улсын факст зэрэг эрх зүйн эх сурвалжуудыг зөрчиж байна гэж үзэж байна. Тиймээс өмгөөлөгчдийн зүгээс үйлчлүүлэгчийнхээ таслан сэргийлэх арга хэмжээг өөрчлүүлэх хүсэлтийг шүүхэд гаргана" гэв.