Н.Алтанхуяг: Үгэнд ор, үгүй бол шоронд ор гэдэг үг одоо сэтгүүлчид рүү орж байгаа юм байна

УИХ-ын гишүүн Н.Алтанхуяг сэтгүүлч Н.Өнөрцэцэгийг цагдан хорьсон асуудалтай холбоотойгоор байр сууриа илэрхийллээ. Тэрбээр " Би 2021 онд "Шударга бусын хонгил" баримтат ном гаргаж байсан юм. Уг номонд үгэнд үгэнд ор, үгэнд орохгүй бол шоронд ор гэсэн гарчигтай хэсэг байдаг юм. Энэ үгийг Бат инженер жиргэхдээ хэлж байсан юм. Тухайн үед би бүлэглэлийн үгэнд ороогүй юм. Эрдэнэт, Тавантолгой, Оюутолгойг бүлэглэн идэхийг эсэргүүцэж дуугараад Ерөнхий сайдаас огцруулж байсан юм. Надаас юу ч олж гарахгүй болохоор эхнэр, дүү нар тэр бүү хэл туслахыг минь хонгилоор чирсэн. Хамгийн сүүлд хүртэл Хөгжлийн банкаар хүртэл яллах гэж үзсэн.  Үгэнд ор, үгэнд орохгүй бол шоронд ор гэдэг үг одоо сэтгүүлчид рүү орж байгаа юм байна, маргааш магадгүй танд ч тохиолдоно" гэв.