Д.Мөнх-Эрдэнэ: Намайг шалдан гүйлгэн, цахилгаан бороохойгоор цохиулж, зодож эрүүдэн шүүлээ

Консул асан Д.Мөнх-Эрдэнийг ШШГЕГ-ын харьяа 413-р ангид ял эдэлж байгаад, энэ сарын эхээр 441 дүгээр нээлттэй хорих анги руу шилжүүлсэн. 

Тэрээр цагдан хориход ямар байдалтай байгаа, 413-р хорих ангийн дарга нарт яргалуулж, эрүүдэн шүүлгэсэн тухай Улсын мөрдөн байцаах албанд гомдол гаргаж, захидал илгээсэн байна. 

Тэрээр "2023.10.12-ны өдөр ШШГЕГ-ын тэргүүн дэд дарга ял эдлүүлэх албаны дарга Б.Нандинболор, албаны дарга А.Намсаманд нарын зохион байгуулснаар 413-р хорих ангийн дарга А.Батхуяг, дэд дарга Э.Ууганбаяр нарын хамт улаан малгайтай үл таних хүнээр ахлуулсан, нүүрэндээ багтай, буу барьсан, бүрэн зэвсэглэсэн бүлэг хүмүүс гар шилэн хүзүүнд салаавчлан авахуулж, явган суулгаж, доош харуулж, шал ширтүүлэн, шалдалж гүйлгэн, хараалын ёс бус үгээр гутаан доромжилж, цахилгаан бороохойгоор цохиулж, зодож эрүүдэн шүүж миний эрүүл мэндэд ноцтой гэмтэл учруулсан" гэжээ.