БЗС: 87 орчим тэрбум төгрөгийн үнийн дүнтэй 941 хүний зээлийг үндэслэлгүйгээр тэглэжээ

Хаана ямар хөнгөлөлт, боломжтой зээл байна? түүнийг эрх мэдэл албан тушаалтнууд, тэдний хамаарал бүхий хүмүүс авдаг нь ил болсон. Хамгийн сайн нөхцөлтэй зээлийг авна, дээр нь авсан зээлээ төлөхгүй луу унжина, бүр сүүлдээ зээлээ эргэн төлөлгүй тэглүүлдэг болжээ.

БЗС-гаар суралцсан 3069 суралцагчийн 941-ийнх нь зээлийг үндэслэлгүй чөлөөлснийг тогтоосон тухай АТГ-аас мэдээлсэн. Тэгвэл эдгээр хүмүүсийн суралцахдаа авсан 87 орчим тэрбум төгрөгийн зээл үндэслэлгүйгээр буюу хууль бусаар тэглэгдсэн гэсэн үг. МУ-ын Засгийн газрын тогтоолоор болон Боловсрол, шинжлэх ухааны сайд нарын тушаалаар зээлийг тэглэсэн байдаг. Засгийн газрын тогтоолоор гэрээгээ биелүүлээгүй хүмүүсийн зээлийг тэглэсэн тохиолдол цөөнгүй байгаа бол нөгөө талд салбарын сайд журамд нийцээгүй тогтоол гаргаж зээл тэглэж ирсэн. Үндэслэлгүй тэглэсэн 941 хүний дийлэнх буюу 756-ыг нь үе үеийн Боловсрол, шинжлэх ухааны сайдын тогтоолоор чөлөөлсөн байдаг. Эргэн сануулахад, Л.Гантөмөр(2012-2016 он) 435, Г.Чулуунбаатар(2016-2017 он) 51, Ц.Цогзолмаа (2017-2019 он) 73, Ё.Баатарбилэг (2019-2020 он) 82, Л.Цэдэвсүрэн (2020-2021 он) 26, Л.Энх-Амгалан (2021-2023 он) 89 хүний зээлийг тэглэх тогтоол гаргасан байдаг.

Бид хэн хэний зээлийг, ямар журам зөрчиж тэглэсэн талаар мэдээллийг цуврал болгон хүргэнэ.