Д.Ганбат: Хараагүй ч гэлээ эх орондоо хувь нэмрээ оруулж, алтан медаль авсандаа баярлаж байна

Хүү маань таван настай байхдаа “миний ээж нүдээрээ хардаг бол аав маань зүрхээрээ хардаг” гэж хэлж байсан юм. Би зургаан настайдаа голын хөвөөн дээр сууж байгаад гэнэт л хараагаа алдчихсан. Хараагүй болохоор хүнтэй зүрхээрээ л харилцдаг болдог юм билээ. Дотроо төсөөлөөд л иймэрхүү дүр төрхтэй байхдаа гэж боддог. Жүдогийн Азийн аварга Д.Ганбаттай ярилцлаа. Тэрбээр Азийн наадмаас алтан медальтай эх орондоо ирсэн. Спортын төв ордны жүдогийн бэлтгэлийн заал руу ормогцоо “ах нь дэвжээндээ ёслохгүй бол болохгүй” гээд газар тэмтчин хоёр удаа хүндэтгэлтэйгээр толгойгоо дэвжээндээ хүргэн ёслоно.