ЭЦА-аас талийгаач С.Алунгуад донорын хагалгаа хийсэн эмч нараас мэдүүлэг авчээ

Хүүхдүүдээ сургуульд өгөөд, өөрөө тухайн сургуульдаа үйлчлэгчээр ажилладаг байсан 30 настай өрх толгойлсон С.Алунгуа бүсгүй 8-р сарын 6-нд хороололд явж байгаад машинд дайруулаад амиа алдсан.  Талийгаачийн элэг, бөөр, шөрмөсийг авна гэж зөвшөөрлийн хуудсан дээр ар гэрээр нь гарын үсэг зуруулсан ч шөрмөс, тойгны ясны холбоос, хоёр хөлний тойгны яс, дунд чөмөгний булуу яс, шаант, ясны бурзан, дунд чөмөг, доод булуу, шилбэний урд шөрмөс, борвины шандас, борвины шөрмөсийг аваад сүүн уусмалаар дүүргэсэн байсан талаар бид мэдээлж, ард түмний хандиваар өнчирч үлдсэн гурван хүү гурван өрөө орон сууцтай болсон билээ.

 Уг хэргийг Эрүүгийн цагдаагийн албанаас шалгаж байгаа бөгөөд хагалгаа хийсэн эмч нарыг болон ГССҮТ-ийн нэр бүхий эмч нар, "Эрхтэн шилжүүлэн суулгах төв"-ийн албан хаагчдыг цагдаагийн байгууллагаас дуудан мэдүүлэг авсан байна. 

Уг шалгалтаар олон зүйл тодорхой болно. Үүнд: Эд эрхтнийг зөвшөөрөлгүй авсанд эрүүгийн хэрэг үүсэх эсэх, очер дарааллаа хүлээсэн өвчтөн мөн биш эсэх, авилгын хэрэг гэх мэт юм.