Их Британи цахилгаан тамхины шинэ судалгааг гаргажээ

Дэлхийн улс орнууд цахилгаан тамхинд янз бүрээр ханддаг боловч Их Британи өөрийн байр сууриа баттай хэвээр хадгалсаар байна. Цахилгаан тамхи болон халаадаг тамхины системийг янжуур тамхичид тамхи татахтай тэмцэх хамгийн үр нөлөөтэй аргачлалын нэг болгон авч үздэг. Ингэснээр янжуур тамхи татдаг хүмүүст тамхинаас гарахад хамгийн их тусалдаг болох нь нотлогдсоор байна. Никотины хэрэглээний хамгийн хортой хэлбэр бол уламжлалт буюу янжуур тамхи юм. Цахилгаан тамхи болон халаадаг тамхины ачаар Их Британи улс тамхичдын тоог аль хэдийн мэдэгдэхүйц бууруулж чадсан гэж тус улс үзэж байна.

Лондонгийн “Эзэн Хааны коллеж”-ийн эрдэмтэд олон улсын хэсэг ажилтнуудтай хамтран бэлтгэсэн тайланд дурдсанаар цахилгаан тамхи хэрэглэх нь бүрэн эрсдэлгүй байдаг ч насанд хүрээгүй хүүхдийн хэрэглээнд хэзээнээс хатуу хяналт тавих нь зүйтэй гэж үзсэн байна.

Шинэ судалгаагаар цахилгаан тамхи нь уламжлалт буюу янжуур тамхи шиг хортой биш бөгөөд тамхичдын эрүүл мэндийн эрсдэлийг бууруулж чадаж байна гэж үзэж байна. Харин тамхичин хүн донтолтоос шууд гарч чадахгүй бол хор хөнөөл багатай тамхины тусламжтай татгалзсан нь хамгийн үр нөлөөтэй гэдгийг судалгаанд тусгасан юм. Гэсэн хэдий ч цахилгаан тамхины талаарх нотолгоо нь богино болон дунд хугацааны үр нөлөөгөөр хязгаарлагддаг бөгөөд урт хугацааны үр нөлөөг үнэлэх судалгаа шаардлагатай хэвээр байгааг тэмдэглэж байна.

 Эх сурвалж: https://www.gov.uk/government/...