Ер нь зээлээ төлөх ёстой юмуу

БЗС-гаас зээл авч суралцсан хүмүүсийн талаар бид цувралаар мэдээлсээр байгаа ч зээлийн эргэн төлөлт тийм ч их нэмэгдээгүй байна. Өнөөдрийн байдлаар тус сангийн зээлийн эргэн төлөлт дөнгөж 2.4 тэрбум хүрээд байгаа юм.

Эндээс “ЕР НЬ ЗЭЭЛЭЭ ТӨЛӨХ ЁСТОЙ ЮМУУ?” гэдэг асуулт гарч ирнэ. Анх зээл авахдаа эрх мэдэл, албан тушаалаа ашигласан, танил талаараа дамжуулан зээл авсан хүмүүс энэ зээлийг эргэж төлөх ёсгүй гэсэн бодолтой байдаг бололтой. Одоогоор өндөр албан тушаалтай байгаа хүмүүс нь олны шахалтад орж зээлээ эргүүлэн төлж эхэлсэн ч үүний цаана төлөхгүй бодолтой олон хүн байгаа бололтой. 

“Суралцагч амжилттай суралцан төгсөөд гэрээнд заасан байгууллагад 5-аас доошгүй жил үр бүтээлтэй ажилласан тохиолдолд зээлийн төлбөрөөс чөлөөлөгдөх хүсэлт гаргаж болно...” гэх журам 2012 онд хүчингүй болсон. Журам хүчингүй болохоос өмнө журмын дагуу зээлээ тэглүүлсэн хүний талаар бид мэдээллээгүй, учир нь тийм тохиолдол байхгүй. Сурсан мэдсэнээ эх орондоо нааж үлдээгээд, хөгжил дэвшлийг урагш татах боловсон хүчинд олгож байсан боломж атал үүнийг нь биелүүлэх хүнгүй тул журам хүчингүй болсон гэж таамагламаар... Тэгвэл одоо зээл авсан иргэн зээлээ төлөх л асуудал үлдэж байна.
Жирийн иргэн гар утасны төлбөрөө төлөлгүй дугаараа хаалгасан тохиолдолд хүртэл “муу зээлдэгч” болгож дараа дараачийн зээлд хамрагдах боломжгүй болдог атал дарга гишүүд, тэдний хамаарал бүхий этгээдүүд авсан зээлээ төлөөгүй ч өөр боломжийн зээл байвал аваад л байж болдог нийгэмтэй эвлэрмээргүй байна. 

Хөгжлийн банк
ХААДС
ЖДҮХС... гээд авсан зээлээ төлдөггүй олон ч зээлийн сан байна, одоо цэгцэлмээр байна...