​ Хөгжлийн банкны хэрэгт яллагдагчаар татагдсан Ц.Билгүүн БЗС-гийн 32 мянган ам.долларын зээл авснаа төлөөгүй байна

Хөгжлийн банкны гэх хэрэгт яллагдагчаар татагдаад байгаа Цэвээндээгийн Билгүүн 2010 онд БНСУ-ын Курё их сургуульд суралцахдаа БЗС-гаас 32 мянган ам.долларын зээл авснаа төлөөгүй байна. Ц.Билгүүн нь Хөгжлийн банкны төслийн санхүүжилт, зээлийн газрын байгууллагын зээл, санхүүжилтийн хэлтсийн мэргэжилтнээр ажиллаж байсан бөгөөд одоогоор эрхэлсэн ажил нь тодорхой биш байна. Эргэн сануулахад, Хөгжлийн банкны гэх хэрэгт 80 хүн яллагдагчаар татагдсаны 42 нь Хөгжлийн банкны ажилтан, ТУЗ-ийн гишүүд байдаг юм. Тэд эрх мэдэл, албан тушаалын байдлаа урвуулан ашиглах” гэмт хэрэгт холбогдуулан шалгагдаж байгаа юм.