Хилийн чанадад байгаа Монгол Улсын иргэдэд туслах сан 2020 онд хамгийн их буюу 733 сая төгрөгийн тусламж олгожээ

Шилэн ажиллагааны хүрээнд Хилийн чанадад байгаа Монгол Улсын иргэдэд туслах сангийн мэдээлэл өнөөдөр shilen.gov.mn системд байршсан. Одоогийн байдлаар 179 мэдээл

эл бүртгэгдсэн байна. Энэ сан өнгөрсөн хугацаанд нийт 3,125,239,532 төгрөгийн тусламж үзүүлжээ.
2009-2023 оны хооронд олгосон тусламжийн дүнгээс харахад 2020 онд хамгийн их буюу 733,896,000 төгрөгийн тусламж олгожээ. Энэ нь коронавирусийн халдварт цар тахал дэлхий нийтэд гарч эхэлсэн цаг хугацаатай давхцаж байна.Олгосон санхүүжилтийн 44.81 хувь буюу хамгийн их тусламжийг Хилийн чанадад байгаа Монгол Улсын иргэдэд туслах сангийн дүрмийн 4.3.1 дэх заалтын дагуу олгожээ.

Энэхүү заалтад хилийн чанадад нас барсан иргэний гэр бүл нь түүний шарил буюу чандрыг эх оронд нь авчрах зардалгүй, эсхүл гэр бүл, төрөл садан нь тогтоогдоогүй тохиолдолд түүний шарилыг хадгалах, чандарлах, шарил болон чандрыг эх оронд нь буцаах буюу тухайн улсад нь нутаглуулах гэж заажээ.