САНАХ ОЙ: Хэрэг нь гарахаар санаанд нь ордог АРД ТҮМЭН...

Орлоготой, орон сууцтай, эрүүл иргэн, тогтвортой орлоготой, амар амгалан гэр бүл, мэргэшсэн ёс зүйтэй төрийн алба, ардчилсан хүний эрхийг дээдэлсэн улс, ногоон хөгжил, чанартай боловсрол. Эдгээр амлалтыг эрх баригч нам 2020 оны сонгуулийн мөрийн хөтөлбөртөө тусгасан боловч биелж амжаагүй дараагийн сонгуультайгаа залгаж байна.

Амласан амлалтанд нь уярч, амьдрал сайхан болно гэх итгэлээр сонгосон УИХ-ын гишүүд үнийн өсөлт, ажилгүйдэл ядууралд туйлдсан ард иргэдээ мартаад байсан өнгөрсөн гурван жил. Саяхнаас амь орж Их хурлын даргын тушаалаар үнийн өсөлтийг судалж явсан гишүүд өнгөрсөн долоо хоногт гишүүдийн тоог 152 болгох асуудлаар АРД ТҮМНЭЭ зорив. Хоногийн хоолоо бодож яваа иргэдэд гишүүдийн тоог хэд болгох нь сонин биш нь ойлгомжтой. Гэвч олон нийтийн саналыг сонсох болсон болоогүй шаардлагатай тул нүглийн нүдийг гурилаар хуурч АРД ТҮМНИЙХЭЭ хэргийг нь гаргасан гэлтэй. Ямартай ч тойргоороо цухуйж үхрээс эхлээд эмнэлгийн ор гээд жаал жуул юм өгсөн бололтой.