Ч.Номин: Манай салбарын цалин бага байгаа нь үнэн, өнгөрсөн хугацаанд цалин нь 20 хувиар нэмэгдсэн ч үнэхээр хангалтгүй

Соёлын сайд Ч.Номин цаг үеийн асуудлаар мэдээлэл өглөө. Тэрбээр “Би салбарын сайд болсон цагаасаа эхлэн энэ салбарт ажиллаж буй долоо мянга гаруй уран бүтээлчдийнхээ цалинг нэмэх талаар саналыг Засгийн газарт өгсөн. Соёл урлагийн төрийн байгууллагад  ажиллаж буй хүмүүсийн цалин бага, нийгмийн баталгаа сул байгаа. Ер нь дундаж цалин 700 мянган төгрөг байна. Хүн авьяас, чадвараа үнэлүүлэх ёстой. Намайг сайд болсноос хойш  20 орчим хувиар цалин нэмэгдсэн. Энэ ч хангалтгүй байна. Соёлын яамгүй 20 жил бугшсан алдааг хоёр жилийн дотор бүрэн засах боломжгүй. Өнгөрсөн хугацаанд бид салбарын хууль, эрх зүйн орчныг сайжруулсан. Ингэснээр цаашид цалин нэмэгдэх боломж бүрдэж эхэлсэн” гэлээ.