Хэнтий: Аймгийн Засаг даргын нэрэмжит "Шилдэг сувилагч” уралдаан зарлажээ

Хэнтий аймагт 31 сувилагчийн орон тоо сул байна. Тиймээс, сувилагчдыг тогтвор суурьшилтай ажиллуулах, мэргэжлийн ур чадварыг нь дээшлүүлэх, иргэдэд хүрэх эмчилгээний чанар, хүртээмжийг сайжруулах зорилгоор Хэнтий аймгийн Засаг даргын нэрэмжит “Шилдэг сувилагч” уралдааныг 18 сум, 5 тосгоны Эрүүл мэндийн салбарт ажилладаг бүхий л сувилагчдын дунд зарлажээ.

Уралдаан гурван үе шаттайгаар явагдах бөгөөд шилдгийн шилдэг 1 сувилагчид байрны урьдчилгаа төлбөрт 25 сая төгрөгийн дэмжлэг, дэд байр эзэлсэн нэг сувилагчид 10 сая төгрөг, 3 дугаар байр эзэлсэн нэг сувилагчид 5 сая төгрөгийн мөнгөн дэмжлэгийг тус тус үзүүлнэ. Мөн Гуравдугаар шатны шалгаруулалтад тэнцсэн ч шагналт байр эзлээгүй 17 сувилагчид 500 мянган төгрөгийн шагнал гардуулах юм байна.