БНПУ-ын Ерөнхийлөгчийн айлчлалын талаар Польшийн хэвлэлд

Монгол Улсын Ерөнхийлөгчийн урилгаар БНПУ-ын Ерөнхийлөгч Анджей Дуда гэргийн хамт манай улсад төрийн айлчлал хийж байна. Айлчлалын талаар Польшийн хэвлэлд нийтлэгдсэн мэдээллээс онцлон хүргэж байна.

Польшийн үндэсний мэдээллийн агентлаг PAP:

“Энэхүү айлчлал нь урт хугацааны өмнөөс төлөвлөсөн айлчлал бөгөөд эдийн засгийн хамтын ажиллагааг хөгжүүлэх зорилготой. Монгол Улс бол уул уурхай, хөдөө аж ахуйн салбарт хөрөнгө оруулахад таатай улс гэдгийг онцолж байна.”

TVP Info телевиз:

“Монгол Улсад хийж буй айлчлал нь Польш-Монголын харилцааны сэргэлтийг авчирна гэдэгт итгэж байгаагаа Ерөнхийлөгч Дуда илэрхийллээ. Айлчлалын үеэр гарын үсэг зурсан баримт бичгүүд хоёр улсад харилцан ашигтайг онцолж, “Бид Монгол Улстай хамтын ажиллагаагаа өргөжүүлэн хөгжүүлэх сонирхолтой байна” гэлээ.

President.pl албан ёсны сайт:

Бүгд Найрамдах Польш Улсын Ерөнхийлөгч Анджей Дуда польш сэтгүүлчдэд ярилцлага өгөх үеэрээ: “Монгол Улсад хийж буй айлчлалд маш өндөр ач холбогдол өгч байна. Айлчлалын бүрэлдэхүүнд парламент, Засгийн газар, бизнесийн төлөөлөл айлчлал багтсан. Энэ айлчлал нь улс төр, эдийн засгийн хамтын ажиллагааг гүнзгийрүүлэхэд чиглэж байна.

Айлчлалын үеэр зохион байгуулсан бизнес форумд Польшийн талаас хүнс, барилга, эм зүй, уул уурхай, санхүүгийн салбарын компаниудын төлөөлөл оролцсон. Энэ бол Польшийн бизнесүүд Монгол Улсыг сонирхох болсны илрэл юм.

Бүгд Найрамдах Польш Улсаас Монгол Улсад суугаа Элчин сайдын яам хоёр улсын хооронд эдийн засгийн хамтын ажиллагааны хурдасгагч хүч байх болно. Мөн консулын үйл ажиллагаа явуулж, Польш Улсад зорчихыг хүссэн иргэдэд виз олгоно” гэжээ.

https://tvpworld.com/69420393/poland-reopens-its-embassy-in-mongolia

https://www.tvp.info/69417871/mongolia-wizyta-prezydenta-andrzeja-dudy

https://www.prezydent.pl/aktualnosci/wypowiedzi-prezydenta-rp/wystapienia/wystapienie-prezydenta-rp--pana-andrzeja-dudy--podczas-otwarcia-polsko-mongolskiego-forum-biznesu,67509 https://www.prezydent.pl/aktualnosci/wizyty-zagraniczne/oficjalne-otwarcie-ambasada-rp-ulan-bator,67504