Малын бэлчээр дээрээсээ зээл авах боломжтой

Гар утасны аппликейшнаар дамжуулан малчид зээл авах боломжийг Монголд анх удаа PayOn олгож байна.

Таван Богд Финанс ББСБ нь иргэдийн санхүүгийн хүртээмжийг нэмэгдүүлэх, санхүүгийн салбарын хөгжилд хувь нэмэр оруулах, уламжлалт болон Финтек бүтээгдэхүүнийг зах зээлд нэвтрүүлэх, зээлийн үйлчилгээг хэрэгцээтэй хүмүүст нь, хэрэгтэй үед нь,  хамгийн зохистой нөхцөлөөр хүргэж үйлчлэхийг зорин ажилладаг.

Энэ удаа 300 мянга гаруй малчдадаа үйлчилгээгээ ойртуулан хүндрэл чирэгдэлгүйгээр малын бэлчээр дээрээсээ ч Цахим Зээл авах боломжийг бүрдүүллээ.

Монгол улсын хэмжээнд нийт 12 арилжааны банк, 513 банк бус санхүүгийн байгууллага, үүнээс 93 нь орон нутагт үйл ажиллагаа явуулж буй, мөн 37 зээлийн аппликейшн байгаа хэдий ч алслагдсан аймаг, сумдын хүмүүс, ялангуяа малчид зээл авах төвөгтэй хэвээр байна. Малчид зээл авах бүртээ аймгийн төв, сумын төв рүү орж, материалаа бүрдүүлж, орлогоо нотлон зээл авдаг хүндрэлтэй асуудлыг шийдвэрлэлээ.

Энэхүү зээлийг зөв ашиглах нь малчин өрхөд ахуй амьдралаа дээшлүүлэн, үр хүүхдээ сургуульд сургах, мал ахуйгаа нэмэгдүүлэх, цөм сүргээ сайжруулах, малаас гарч байгаа ашиг шимийнхээ өгөөжийг нэмэгдүүлэх боломж нэмэгдэнэ хэмээн харж байна.

PayOn аппликейшнаар дамжуулан бүх төрлийн ажил хөдөлмөр эрхэлдэг хүмүүс 5 хүртэл сая төгрөгийн Цахим зээлийг  24 хүртэл сарын хугацаатайгаар зээлэх боломжтой бөгөөд салбарт ирж нэг удаа гэрээ байгуулаад цаашдаа хэдэн ч удаа зээл авч, төлөх боломжтой. Хамгийн гол нь зээлээ хугацаандаа төлөх, өөр хүнд зээл авч өгөхгүй байх, зээлээ яг хэрэгцээтэй зүйлдээ зарцуулах нь чухал гэдгийг онцолж байна.

Таван Богд Финанс ББСБ одоогоор Сүхбаатар, Ховд, Хөвсгөл зэрэг нийт 15 аймагт салбараа нээж, үйлчилгээгээ танд ойртууллаа.

Та холбоо барих бол 75331111, 99068468 дугаартай холбогдоно уу.