Улаанбаатар-Дархан чиглэлийн авто замын бүтээн байгуулалтын ажил эхэллээ

Улаанбаатар-Дархан чиглэлийн авто замын бүтээн байгуулалтын ажил /2023.04.15/ эхэлснээр 2023 оны авто замын бүтээн байгуулалтын ажил албан ёсоор эхэллээ. 

Зам, тээврийн хөгжийн яам, Улаанбаатар-Дархан чиглэлийн авто замын бүтээн байгуулалтын төслийн зөвлөх баг, Азийн хөгжлийн банк болон Европын сэргээн босголт хөгжлийн банкны төсөл хэрэгжүүлэх нэгж, гүйцэтгэгчийн төлөөллийн хамт өнөөдөр Дарханы замд ажиллалаа.

 2023 онд Азийн хөгжлийн банкны санхүүжилттэй багц 2; 3 буюу Жунмэй инженеринг компанийн ерөнхий гүйцэтгэгчтэй 90 км, Азийн хөгжлийн банкны санхүүжилттэй багц-4 буюу Чайна жео компанийн ерөнхий гүйцэтгэгчтэй 45 км хэсэгт хамгийн их анхаарал хандуулж байна.

 Өнөөдрийн байдлаар Жунмей инженеринг компанийн багц 2; 3-ийн ажил тодорхой хэмжээгээр эхэлсэн. Чайна жео инженеринг компанийн багц-4 хэсэгт далангийн ажил эхэлж байна. Бусад газарт өргөн бүрэлдэхүүнтэй эхэлсэн зүйл алга.

 Тиймээс зөвлөх компанид 5 дугаар сарын 15 хүртэл нэг сарын хугацаатай хатуухан үүрэг өглөө. Гүйцэтгэлийг долоо хоногоор гаргаж, төсөл хэрэгжүүлэх нэгж, зөвлөх компаниуд хянаад явна гэж Зам, Тээврийн Хөгжлийн яамнаас мэдээллээ.