Д.Батлут: Эрдэнэc Тавантолгой ХК иргэдэд 1072 хувьцааны ноогдол ашгийг өгөх ёстой

УИХ-ын Үйлдвэржилтийн бодлогын байнгын хорооны хуралдаанаар “Эрдэнэс Тавантолгой” ХК-ийн үйл ажиллагааны талаарх мэдээлэл сонслоо.

Энэ үеэр УИХ-ын гишүүн Д.Батлут ”Эрдэнэс Тавантолгой компаниас 1072 хувьцаа эзэмшиж буй иргэдэд нэг л удаа ноогдол ашиг тараасан. Компани ашигтай ажиллалаа гэж олон нийтэд мэдээлдэг боловч дахиж ноогдол ашиг тараагаагүй. Ашигтай ажиллаж байгаа компани ногдол ашгаа өгөх ёстой. 1072 хувьцаа эзэмшигч иргэдэд ноогдол ашиг хүртээх чиглэлээр шийдвэр гаргах, ажил хийх субъект нь Засгийн газар. Энэ чиглэлээр дорвитой ажил хиймээр байна. Олсон ашгаа хөрөнгө оруулалтын төслүүдэд зарцуулах нь зөв ч хувьцаа эзэмшигч иргэдийн эрхийг хөсөрдүүлж болохгүй” хэмээн байр сууриа илэрхийллээ.

 Мөн тэрээр “Эрдэнэс Тавантолгой” ХК олборлосон нүүрсээ сорчилж хамгийн өндөр коксжсоныг нь л борлуулж чадаж буй. Сул кокстой хэсгийг нь зарж чадахгүй явсаар байна. Тиймээс олборлосон бүх бүтээгдэхүүнээ борлуулахад шаардлагатай технологийн шийдлийг нэн яралтай хийх гэх байр суурийг илэрхийллээ.