Ц.Цэрэнпунцаг: Зөвхөн орлого багатай иргэдэд хүнсний бүтээгдэхүүний хөнгөлөлт үзүүлэх шаардлага байна

Эдийн засгийн байнгын хорооны дарга Ц.Цэрэнпунцаг: Зөвхөн орлого багатай иргэдэд хүнсний бүтээгдэхүүний хөнгөлөлт үзүүлэх шаардлага байна

 Өргөн хэрэглээний бараа бүтээгдэхүүний үнийн өсөлтийн эсрэг ямар арга хэмжээ авч ажиллаж байна вэ?

Экспортод мах гарч эхэлсэн нь эрэлт бий болгосон. Гурилын үнийн тухайд өргөн хэрэглээний барааг үнийн өсөлтөөс сэргийлэх урт нэртэй хуулийн хэрэгжилт дууссан. Бараа бүтээгдэхүүний үнэ зах зээлийнхээ эрэлт нийлүүлэлтээр зохицуулагдах ёстой.

Амьдрал дээр хүнсний бүтээгдэхүүний үнэ нэмэгдэж байгаа нь иргэдэд хүнд тусч байгаа. Энэ бол бодит үнэн. Хамгийн гол нь орлого багатай иргэдийн өрхийн зардлын жин дарах хэсгийг хүнсний бүтээгдэхүүн эзэлдэг. Орлого багатай иргэдэд хүнсний үнийн өсөлт хүнд тусдаг учраас эдгээр иргэдэд  төрийн бодлогоо ялгамжтай хандаж баймаар санагддаг.

Ер нь бүгдийг нь хавтгайруулж гурил, махны үнийг барих нь онцгой нөхцөлд шийдвэртэй арга хэмжээ байхаас биш урт удаан хугацаандаа зах зээлийнхээ жамаар явах ёстой.