​Ц.Цэрэнпунцаг: СӨХ-ны төлбөрөө төлөөгүй бол Монголбанкны хар жагсаалтад оруулна гэдэг ташаа мэдээлэл

Эдийн засгийн байнгын хорооны дарга Ц.Цэрэнпунцагтай үнийн өсөлт болон бусад цаг үеийн асуудлаар ярилцлаа.

Өнгөрсөн амралтын өдрүүдэд СӨХ-ны төлбөрөө төлөөгүй айл өрхүүдийг  Монгол банкны хар жагсаалтад оруулдаг болох талаар яригдаж байна гэсэн мэдээлэл гарсан. Та энэ талаар мэдээлэлтэй байна уу? Энэ мэдээлэл үнэн бол хэрэгжих боломжтой юм уу?

Сая Монголбанкнаас энэ талаар мэдээлэл авлаа. Монголбанк албан ёсоор мэдэгдлээ хийх гэж байгаа юм байна. Энэ бол Монголбанкны чиг үүрэгт хамааралгүй зүйл биш. Тийм ч учраас албан мэдэгдэл гаргах гэж байгаа. Ер нь бол СӨХ гэдэг байгууллага төлбөрөө төлөөгүй айл өрхийн үүдэн дээр ийм утгатай бичиг нааснаас үүдэн ийм яриа гарсан гэж ойлгосон.

Монголбанк удахгүй засгийн газарт Ипотекийн зээлийг шилжүүлэн өгнө. Одоо санхүүжилт хомс, иргэдийн хувьд зээл олж авч чадахгүй байна гэх асуудал гарсаар байгаа. Зээлийн эрх засгийн газарт шилжсэнээр ямар нөхцөл байдал бий болох вэ? Санхүүжилт нэмэгдэх үү?

 Ипотекийн зээл бол анхнаасаа олон улсын валютын сан, санхүүгийн байгууллагууд, дэлхийн банк гэсэн байгууллагуудын зөвлөмжийн Монголбанк авч явах нь буруу. Эрхийг нь шилжүүл гэсээр ирсэн. Энэ дагуу бид өнгөргөсөн жил УИХ-ын тогтоол гаргаад эрх шилжүүлэх болсон .Эрх шилжүүлэх эцсийн хугацаа энэ оны дунд гэж заасан. Хагас жилээс хойш процесс явах ёстой. Тогтоолын хэрэгжилтэд бид хяналт тавьж ажиллана. Өнгөрсөн хугацаанд зөвхөн Улаанбаатарт ипотекийн зээл олголт явж ирсэн.

Энэ дагуу бид өнгөрсөн жил УИХ-ын тогтоол гаргаад эрх шилжүүлэх болсон .эрх шилжүүлэх эцсийн хугацаа энэ оны дунд гэж заасан. Хагас жилээс хойш процесс явах ёстой. Тогтоолын хэрэгжилтэд бид хяналт тавьж ажиллана. Өнгөрсөн хугацаанд зөвхөн Улаанбаатарт ипотекийн зээл олголт явж ирсэн. Энэ зээл анхнаасаа бодлогоо зөв явуулж ирсэн бол илүү сайн байх боломж байсан. Тэнэгийн ухаан хожмоо гэдэг шиг одоо харахад буруу явж ирсэн харагддаг. Цаашид засгийн газар ипотекийн зээлийн бодлогыг зөв тодорхойлж орон нутагт баригдаж байгаа орон сууцанд олголт хийдэг болох мөн орон нутгаас нийслэлийг зорих урсгалыг сааруулах бодлого барьж ажиллах цаашлаад сөрөг урсгал би болгох зорилт тавин ажиллана.