С.Батдөлийг саатуулах хугацаа дөрөв хоногийн дараа дуусна

УБТЗ-ын Тээвэр зохион байгуулалтын албаны орлогч дарга С.Батдөлийг гурван удаа 30 хоногийн хугацаатай цагдан хорьсон.

Түүнийг саатуулах хугацаа дөрөв хоногийн дараа дуусах юм. Анх нэгдүгээр сарын 6-ны өдөр саатуулж, 9-ний өдөр нэг сарын хугацаатай цагдан хорих шийдвэрийг гаргасан. Улмаар дахин цагдан хорих таслан сэргийлэх арга хэмжээний хугацааг сунгаж, хоёрдугаар сарын 8-наас 30 хоног хорьсон юм. 

Хэргийн ээдрээ, төвөгтэй байдлыг харгалзан үзэж дахин хорих шийдвэрийг гуравдугаар сарын 7-ны өдөр гаргасан нь ийнхүү дөрөв хоногийн дараа дуусах гэж байна.

Түүнийг 2018 оноос эхлэн үл хөдлөх хөрөнгө худалдан борлуулж, олсон орлогоос их хэмжээний татварт ногдох орлого буюу 700 орчим сая төгрөгийг гэртээ нуусан, татвараас зайлсхийсэн, хууль бус эх үүсвэрийн мөнгөөр үл хөдлөх худалдан авсан хэргээр яллагдагчаар татаад байгаа юм.