Л.Оюун-Эрдэнэ: 2022 оны төсөвт Эрчим хүчний салбарыг түлхүү дэмжихээр болсон

Ц.Цэрэнбадам
-0001/11/30

Монгол Улсын Ерөнхий сайд Л.Оюун-Эрдэнэ өнөөдөр /2021.11.12/ эрчим хүчний салбарын тусгай зөвшөөрөл эзэмшигч төр, хувийн хэвшил болон үйлдвэрчний эвлэлийн төлөөллүүдтэй уулзлаа. Энэ үеэр зарим үйлдвэр, компанид ажиллаж 2021-2022 оны өвөлжилтийн бэлтгэл хангах ажил, өргөтгөл шинэчлэлийн төсөл, арга хэмжээний үйл явцтай танилцсан юм.


Эрчим хүчний сайд Н.Тавинбэх өсөн нэмэгдэж буй цахилгаан, дулааны эрчим хүчний хэрэглээг хангахын тулд одоогийн зарим эх үүсвэрүүдийг өргөтгөх, шинэчлэх шаардлагатай байгааг танилцуулсан. Тодруулбал, Дулааны III цахилгаан станцыг 400МВт, Дулааны II цахилгаан станцыг түшиглэн 300МВт-ын шинэ эх үүсвэрүүдийг барьж байгуулах боломжтой юм.

“Дулааны III цахилгаан станц” ТӨХК-ийн одоо байгаа дэд бүтцийг тулгуурлан хүчин чадлыг өргөтгөх, шинэчлэх талаар Ерөнхий сайд Л.Оюун-Эрдэнэ өнгөрөгч 11 дүгээр сарын 9-ний өдөр ОХУ-ын Ерөнхий сайд М.В.Мишустинтай холбоо тогтоохдоо санал солилцсон юм. Манай улсын эрчим хүчний салбартай хамтын ажиллагаатай ажилладаг ОХУ-ын “Интер РАО-Экспорт” компанитай санамж бичиг байгуулан ТЭЗҮ-ийг 180 хоногт багтаан ирүүлэх юм. Ингэснээр санхүүжилтийн хэмжээ, ажлын эзлэхүүнийг нарийвчлан тогтоож, ОХУ-ын Засгийн газраас авах экспортын зээлийн асуудлыг 2022 оны I улиралд багтаан Засгийн газрын хуралдаанаар хэлэлцэхээр төлөвлөж байна.

Мөн “Дулааны II цахилгаан станц” ТӨХК-ийн талбайд шинээр 300МВт-ын станц барих, “Амгалангийн дулааны станц” ТӨХК-ийн хүчин чадлыг нэмэгдүүлэх, Улаанбаатар хотын дулаан хангамжийн өнөөгийн байдал болон бусад төслийн талаар холбогдох албаны хүмүүс танилцуулга хийсэн.

Ерөнхий сайд Л.Оюун-Эрдэнэ уулзалтын төгсгөлд нээлттэй асуулт, хариулт явуулж салбарын хамт олны саналыг сонссон юм. Мөн Тавантолгой дулааны цахилгаан станц, Эрдэнэбүрэнгийн усан цахилгаан станц, Амгалангийн дулааны станцын төслийг эрчимжүүлнэ гэдгийг онцолж байлаа.


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Улаанбаатарт 17 хэм дулаан, бороо оройхгүй 1 цагийн өмнө
Ховд аймагт барилгын өргөгч тасарч дөрвөн хүн амиа алджээ 17 цагийн өмнө
У.Хүрэлсүх: Намайг Ерөнхийлөгч байх хугацаанд Үндсэн хуульд гар хүрэхгүй! 17 цагийн өмнө
37 дахь удаагийн “Номын баяр”-ын шилдгүүд тодорлоо    18 цагийн өмнө
Дорноговь аймгийн 12 сум хүнсний эрхийн бичгээс татгалзжээ 18 цагийн өмнө
Улаанбурхан өвчний лабораториор батлагдсан 2200 боллоо 21 цагийн өмнө
Нийслэлийн хэмжээнд 44 байршилд нөөцийн мах худалдаалж байна 22 цагийн өмнө
Б.Жавхлан: “Алт-3” хөтөлбөр валютын нөөц нэмэгдүүлэхэд ач тусаа өгнө 22 цагийн өмнө
Л.Оюун-Эрдэнэ: Сэтэрхий тэвнэ, сиймхий хадаг дээр ч орлогоо нотолж чадахгүй бол хариуцлага хүлээхэд бэлэн байна 22 цагийн өмнө
Бага ангийнхны зуны амралт 6-р сарын 9-нөөс эхэлнэ 23 цагийн өмнө
Х.Нямбаатар: Туул хурдны зам, хотын тойрог зам ашиглалтад орсноор түгжрэл 50 хувь буурна 23 цагийн өмнө
ЭХЭМҮТ: Хүүхэд, нярайн зүрхний нээлттэй мэс заслыг нутагшуулна 23 цагийн өмнө
Улаанбаатарт үүлшинэ, бороо орохгүй 23 цагийн өмнө
​ “GS25-ын 4 жилийн ой энэ сард тохиож байна” Өчигдөр
Э.Сайнзориг: Жил ирэх бүр хүмүүсийн худалдан авалт муудаж байна Өчигдөр
Агаарын бохирдол бууруулах ажлуудаа дулааны улиралд ч үргэлжлүүлж, Дулаанбаатар аян эхлүүлнэ Өчигдөр
​ Жюү жицү: Б.Наранхишиг “Их дуулга”-ын аварга боллоо Өчигдөр
​“Чингэлтэй фестиваль 2025” иргэдийн баярыг “шинэ чингэлтэй” уриан дор зохион байгуулж байна Өчигдөр
​Улсын харцага Г.Ганхуягийг цагдан хорих хугацааг шүүхээс дахин 30 хоногоор сунгажээ Өчигдөр
“Метро малл” худалдааны төвөөс Анкарагийн гудамж, Самбуугийн гудамж хүртэлх авто замыг хаажээ Өчигдөр