“Эрүүл, аюулгүй ажлын байрыг эрхэмлэгч байгууллага 2018”

Хөдөлмөр, нийгмийн хамгааллын яамны харьяа Хөдөлмөрийн аюулгүй байдал, эрүүл мэндийн төвөөс жил бүр уламжлал болгон зохион байгуулдаг “Эрүүл, аюулгүй ажлын байрыг эрхэмлэгч байгууллага 2018” болзолт уралдааны шилдгүүдэд шагнал гардуулах ёслол 2019.01.22-ны өдөр “Корпрайт конвейшн центр”-т боллоо.

Найм дахь жилдээ болж буй нэхүү арга хэмжээнд Хөдөлмөр, нийгмийн хамгааллын яам, харьяа байгууллага, Хөдөлмөрийн аюулгүй байдал, эрүүл ахуйн үндэсний хорооны гишүүд, эзэд, үйлдвэрчний байгууллагын төлөөлөл, нийслэл, дүүргийн Хөдөлмөр, халамж үйлчилгээний хэлтсийн мэргэжилтнүүд, аж ахуйн нэгж, байгууллагын Хөдөлмөрийн аюулгүй байдал, эрүүл ахуйн ажилтан болон шагнал гардан авах байгууллагын удирдлага, хамт олон оролцов.
Нийт 50-иад аж ахуйн нэгж байгууллага өрсөлдсөнөөс Багахангай дүүргийн “Ус суваг ашиглалтын товчоо” жижиг аж ахуйн нэгж байгууллагуудын төрөлд тусгай байрын шагнал хүртлээ. Тус байгууллагын цаашдын ажил үйлсэд өндөр амжилт хүсье.