23 ДАХЬ МОНГОЛЫН ОЛОН ӨДӨР БУЮУ "TOUR DE MONGOLIE-2022” ХОВД АЙМАГТ ЭХЭЛЛЭЭ

Манай аймаг Иргэдийн Төлөөлөгчдийн Хурлаараа "Дугуйтай Ховд" хөтөлбөрийг батлан хэрэгжүүлж байна.

Тус хөтөлбөрийн хүрээнд аймгийн ИТХ, ЗДТГ, Монголын дугуйн холбоо, Ховд аймгийн "Монгол Алтай" дугуйн холбоо хамтран 23 дахь "МОНГОЛЫН ОЛОН ӨДӨР 2022" тэмцээнийг энэ сарын 6-15-ны өдөр Ховд хотод анх удаа зохион байгуулж байна.

Өнөөдөр /2022.08.06/ 5 км-ын пролог уралдаан давхар дэлгүүрээс их гүүрийн чиглэлд явагдаж, тэмцээний нээлтийн үйл ажиллагаа Ард Аюушийн талбайд боллоо.

Тус тэмцээнд МОНГОЛ УЛСАА төлөөлөн Олон Улсын дугуйн спортын тэмцээн уралдаанд оролцдог Дэлхийн залуучуудын аварга, ази тивийн аварга тамирчид, ОУ-ын хэмжээний мастерууд, багш дасгалжуулагч, шүүгчид гэсэн 10 багийн 50 гаруй тамирчид оролцож хурд хүч, авхаалж самбаагаа сорин өрсөлдөж байна.

Тэмцээн 9 өдрийн турш Ховд аймгийн сумдын нутгаар маршрутын дагуу явагдана.