Монгол улсын шинэ үндсэн хууль батлагдсаны 30 жилийн ой, Нутгийн удирдлагын байгууллагын 30 жилийн ойн баярын хурал боллоо.

Монгол Улсын Ерөнхийлөгчийн зарлигаар Ховд аймгийн Төр захиргаа, эрүүл мэнд, боловсрол, соёл урлаг, батлан хамгаалах, дэд бүтэц, газар тариалан, нийтийн тээвэр, хөдөө аж ахуйн салбар болон хувийн хэвшилд олон жил идэвх зүтгэл, үр бүтээлтэй ажиллаж, аймаг, орон нутгийнхаа бүтээн байгуулалт, хөгжил цэцэглэлтэд үнэтэй хувь нэмэр оруулсан нэр бүхий иргэдийг Төрийн дээд одон медалиар шагнасныг /2022.11.28/ гардууллаа.

Баярын хурлын үеэр Нутгийн өөрөө удирдах байгууллагын хөгжил, төлөвшилд үнэтэй хувь нэмэр оруулан, иргэдийнхээ нийтлэг эрх ашгийг хамгаалах, төлөөлөх үйлсэд өөрийн оюун ухаан, хувь нэмрээ оруулсан аймаг, сумын төлөөлөгчдөд Нутгийн өөрөө удирдах байгууллагын 30 жилийн ойн медаль гардууллаа.

Нутгийн удирдлагын байгууллагын 30 жилийн ойн баярын хурал, арга хэмжээнд аймаг, сумын төлөөлөл 170 гаруй хүн оролцлоо.

30 жилийн хугацаанд олон угсаатны өлгий Ховд аймгийн нутгийн өөрийн удирдлагын байгууллагад иргэдийн чөлөөт 8 удаагийн сонголтоор нийт аймгийн иргэдийн Төлөөлөгчдийн Хуралд 302, сумын иргэдийн Төлөөлөгчдийн Хуралд 2954 төлөөлөгч тус тус сонгогдон ажилласан байна.