​“Эх дэлхийн цаг 2023” арга хэмжээг Зайсан Хиллцогцолборт” тэмдэглэжээ

“Эх дэлхийн цаг” арга хэмжээг 2007 оноос эхлэн Дэлхийн байгаль хамгаалах сан (WWF)-гаас санаачлан хэрэгжүүлдэг байна. Энэхүү арга хэмжээг Дэлхийн байгаль хамгаалах сан; Байгаль орчны манлайлагч ТББ Монголд 13 дах жилдээ албан ёсоор зохион байгуулжээ.

Энэ жилийн “Эх дэлхийн цаг”-ийн арга хэмжээний гол агуулга нь хүн бүр байгальдаа тустай ямар нэгэн эерэг үйлсхийж, Эх дэлхийдээ амсхийх чөлөө өгөхийг уриалж “Эхдэлхийдээ амсхийх цаг өгье” уриалгийг гаргаж хувцасны дахин ашиглалтыг урлалын түвшинд хүргэж, хуучин хувцсыг дахин загварчилж шинэ төрх бүтээх буюу “апсайкл” хэмээх ойлголтыг түгээж, хариуцлагатай хэрэглээ болон дахин боловсруулалт, ашиглалтын ач холбогдлыг таниулж буй “Тойрог” брэнд болон “Зүймэл даавуун урлалын төв”-ийн урлаачид шинэлэг бөгөөд шилдэг бүтээлүүдээ дэлгэн сонирхуулсан юм. Түүнчлэн 5н мэдээллийн өртөө гарган ирсэн хүн бүрд өдөр тутамдаа энгийн үйлдлийг хэвшүүлэх талаар мэдээлэл түгээсэн байна. 

Энэ өдөр нь уур амьсгалын өөрчлөлттэй тэмцэхэд хувь хүний оролцоо чухал гэх ойлголт, мэдлэгийг дээшлүүлэх зорилготой Дэлхийн байгаль хамгаалах сангаас хэрэгжүүлдэг. Өнөөдрийн байдлаар дэлхийн 190 гаруй орны хоёр орчим тэрбум хүн эх дэлхийн цагт нэгдэж, энэ өдрийг тэмдэглэн өнгөрүүлж байна. Өмнөх жилүүдэд бид онлайн тэмдэглэн өнгөрлүүлэхдээ 60 гаруй мянган хүний хамруулж чадсан бол энэ жилийн хувьд түүнээс хэд дахин илүү хүмүүсийг хамруулан “Эх дэлхийн цаг”-н тэмдэглэн өнгөрүүлж байна. 

Өдөрлөгт төрийн болон төрийн бус байгуулга, хувь хүмүүс, оюутан залуус хамтран нэгдэж байгаад маш их баяртай байна. Түүнчлэн Oyuny Undra group; Zaisan hill цогцолбор дэмжин ажиллаж байгаад болон хамтрагч байгууллагууддаа баярлалаа.