Г.Дамдинням: Би эгэл жирийн ажилгүй, ардын хүүхэд байхдаа зээлээр сурсан, одоо бол өөрийнхөө мөнгөөр докторт сурч байна

Боловсролын зээлийн сангаас зээл авсан хүмүүсийн нэрс дунд таны нэр байгаа?

Би 10 жилийн өмнө 2013 онд ажилгүй, жирийн ардын хүүхэд байх үедээ авсан зээл. Манай аав жолооч, ээж тогооч. Надад дарга цэрэг ах дүү алга. Би боловсролоор л өөрийгөө өдий зэрэгтэй авч яваа хүн. Би тэр үед дэлхийн шилдэг их сургуулиудын нэг Канад улсын Бритишийн Колумбиа их сургуульд магистрт сурахаар зээл авсан. Зээл авах 1-р дэлхийн шилдэг их дээд сургуульд элссэн байх, сурч байгаа сургуульдаа амжилттай сурч байх, төгсөх ёстой, төгсөж ирээд сургалтын төрийн санд мэдээллээ өгөх ёстой, Монгол улсдаа ирж 5 жил ажиллах ёстой гэх бүх шалгуурын дагуу үл хөдлөх хөрөнгөө барьцаалаад авсан зээл. Би бүх нөхцөлийг нь хангаад авсан зээл.

Улс төрд нөлөөтэй хүмүүс энэ зээлийг авдаг гэсэн хардлага байна?
10 жилийн өмнө би улс төрд нөлөөтэй этгээд байгаагүй. Ажилгүй залуу байсан.
Намд та нөлөөтэй байгаагүй юу?
Үгүй үгүй. Юу байхад дээ. Би тэр үед ажилгүй болсон байсан. Хэрэв улс төржүүлж харж байгаа бол би МАН-ын гишүүн тэр үед Лу. Гантөмөр Боловсролын сайдаар ажиллаж байсан. АН-ын гишүүн. Би шарлагаа хангаад , хүсэлтээ гаргаад, тэнцээд зээлээ аваад явсан. Улс төржилтгүй хандсанд нь Лу. Гантөмөр сайдад талархаж явдаг.
Одоо та докторт сурч байгаа гэсэн мэдээ байгаа шүү дээ?
Докторт сурч байгаа. Сургалтын төрийн сангийн захирал н.Гарьд надаас уучлалт хүссэн албан бичгээ өгсөн.

Докторт та ямар зардлаар сурч байгаа вэ?
Би өөрийн хувийн зардал болон сургуулийнхаа тэтгэлгээр сурч байгаа.
Хэдэн хувийн тэтгэлэг вэ?
Сургуулиас 50 хувийн тэтгэлэг байгаа.
Одоо ер нь энэ төрлийн зээлийн нөхцөл, журмыг өөрчлөх шаардлагатай гэж та харж байна уу?
Бараг 20 орчим мянган залуус энэ тэтгэлгийн хөтөлбөрөөр сурсан юм билээ. Эхлээд зээл хэлбэрээр байгаад, шаардлагаа биелүүлсэн тохиолдолд тэтгэлэг болдог. Шаардлагаа биелүүлэхгүй бол зээл гээд буцаагаад авдаг хөтөлбөр байхгүй юу. Бүх улсад боловсон хүчний нөөцөө хангах зорилготой байдаг. 1990 ээд оны үед гадаадад сурсан залуус цөөхөн байх үед гарсан журам юм билээ. Одоо нэгэнт боловсон хүчин хангалттай гэж үзээд өөрчлөх ёстой бол өөрчлөх хэрэгтэй. Болно ш дээ.

Та боловсролын багц хуулийн ажлыг хэсгийг ахалж байгаа?
Тийм тийм. Боловсролын багц хуулийн ажлын хэсэг дээр Боловсролын хуулийн хүрээнд энэ журам дүрэм орохгүй шүү дээ. Энэ бол засгийн газрын тогтоол шийдвэрээр өөрчлөгддөг зүйл.