Монгол улсын Засгийн газраас иргэн бүрийн эрүүл мэндийн төлөө “Шинэ сэргэлт”-ийн бодлогын хүрээнд тодорхой ажлуудыг үе шаттайгаар хэрэгжүүлж байна.

Энэхүү ажлын хүрээнд БНХАУ-тай хамтарч 1 тэрбум төгрөгийн үнэ бүхий эрт илрүүлгийн явуулын иж бүрэн автобусыг хүлээлгэн өгсөн. Иж бүрэн тоноглогдсон эрт илрүүлгийн автобус нь алслагдсан хороо, сум, аймгийн иргэдийн эрүүл мэндийг үзэх, шаардлагатай шинжилгээ, зүрхний бичлэгээс эхлээд олон зүйлийг цаг алдалгүй илрүүлэх зэрэг олон ач холбогдолтой.

Автобус анхны үзлэгээ Баянзүрх дүүргийн алслагдсан хороод болох 23,35-р хорооноос эхлүүлсэн бөгөөд нээлтийг зохион байгуулсан. Нээлтэд УИХ-ын гишүүн Э.Бат-Амгалан, Ж.Чинбүрэн, Эрүүл мэндийн сайд С.Энхболд, БНХАУ-ын элчин сайдын яам, Баянзүрх дүүргийн удирдлага, болон иргэд холбогдох салбарын хүмүүс оролцлоо.