Зодуулсан хүүгийн аав: Ээж нь хүүхдийнхээ биеийн байдлыг асууж нэг ч удаа залгаагүй

Хойд эцэгтээ зодуулж хүнд бэртэл авсан гурван настай хүүгийн ар гэрийнхэн өнөөдөр монголчуудаасаа хандив хүслээ. Хүү гурав хоногийн өмнө ухаан орсон учир Турк улсад эмчлүүлэхээр хандив цуглуулж эхэлжээ.  Турк улсад эмчлүүлэхэд ойролцоогоор 120-150 сая төгрөг шаардлагатай гэсэн урьдчилсан тооцоо гарсан талаар ар гэрийнхэн хэлж байна.   

Хүүгийн аав “Манай хүү 6-нд зодуулсан байдаг. Харин би энэ тухай 8-ны өдөр мэдсэн. Намайг ирээд ороод харахад баруун гар нь хугарчихсан, шанаа нь хөхөрчихсөн маш хүнд нөхцөлтэй байсан. 

Эхний ээлжинд би хүүгээ л цаг алдалгүй эмчилгээнд нь явуулмаар байна. Хүүгийн биеийн байдал багагүй дээрдсэн байгаа. Том ахынх нь хувьд өмнө нь тэр хүн зодож, сандал өргүүлж зогсоодог байсан гэж хэлсэн. Ээжийнх нь хувьд өмнө нь хүүхдүүдээ зодож арай ширүүдүүлдэг байсан үе бий. Хүний л амьдрал юм чинь. Тэр үед нь хэлээд л орхидог байсан. Ээжид нь одоо юу ч хэлэх вэ дээ. Салсан шалтгаанаа нээх яримааргүй байна. Үнэхээр салахаас өөр сонголт надад байгаагүй. Одоо бол хүүгийн ээж нэг ч удаа хүүгээ асууж залгаагүй Хүүхдүүдтэйгээ байнга холбоотой байсан. Мөнгө асуух тоолонд нь өгдөг байсан. Харин том хүүгээсээ сонсохнээ тэр мөнгөөр нь архи дарс аваад л уучихдаг байсан юм шиг байгаа юм. Ээжид нь хэлэх үг олдохгүй байна. Хүү нь зодуулчхаад цусандаа хутгалдаад хэвтэж байхад эмнэлэгт хүргэж өгөхгүй. Тэр хүнийг л өмгөөлж хаацайлсан шүү дээ.Манай хүүгийн ээж нь чамаас саллаа, өөр хүнтэй нийлж амьдралаа бодно гэдэг байсан. Хүний амьдралд саад болоод яах вэ гээд оролцдоггүй байсан. Хүүхэдтэйгээ утсаар  яриад явдаг байлаа. Хэрэгтнийг би огт танихгүй” гэлээ.

Хандивын данс: 5434121006 /Хаан банк/ Аав М.Цогтбаатар

Утас: 94524008