Г.Амартүвшин: Засгийн газар өөрсдөө ХАА-н салбарт хэт оролцож байгаа нь тус салбарын хөгжлөөс хойш татаж байна

Хөдөө аж ахуйг дэмжих сангийн хэлбэрийг нь өөрчилж компани болгоно гэх асуудал хэлэлцүүлэгдэж байна. Зөвхөн нэршил өөрчиллөө гээд тус салбарт үүсээд буй асуудлыг шийдвэрлэж чадах уу гэдэг эргэлзээтэй. Мөн ХАА-г дэмжих сангийн үйл ажиллагаа нь одоо ч учир дутагдалтай харагдаж байгаа тул корпорац болсны дараа ямар үр дүнд хүрэх талаар тодорхой мэдээллийг өгөх хэрэгтэй.
Засгийн газар өөрсдөө ХАА-н салбарт хэт оролцож байгаа нь тус салбарын хөгжлөөс хойш татаж байна. Үнэхээр л ХАА-г дэмжих байсан бол дизель түлшний үнийг барьснаар ХАА-н салбарт тус нэмэртэй байх байсан. Улаан буудайн зах зээл дээр бол төр засаг гаднаас улаан буудай импортолж, дотоодын үйлдвэрлэгч нараа унагаасан. Үнийн зохицуулалт хийж байна гэх нэрээр зах зээлийн эрэлт нийлүүлэлтийн механизмыг эвдэж байна. Энэ тал дээр илүү анхаарах нь чухал.