Суманд амьдарч байгаа 60-аас дээш насны иргэдээс хурууны хээ шаардахгүй боллоо

ЭМДЕГ-аас даатгуулагч-иргэдийг ЭМД–аараа эмнэлгийн тусламж, үйлчилгээ авсан тохиолдол бүрийн тэмдэглэл, үзлэг, оношилгоо эмчилгээний түүхийг цахимаар архивлах, богино болон урт хугацаанд ууж, хэрэглэсэн эмийн бүртгэлийн сан үүсгэх, тусламж үйлчилгээ авсан эсэхийг хурууны хээгээр баталгаажуулдаг.

 Энэ сараас эхлэн суманд амьдарч байгаа 60-аас дээш насны 82,560 иргэнээс хурууны хээ шаардахгүйгээр регистрийн дугаарыг үндэслэн  хөнгөлөлттэй эм олгож байхаар боллоо.

Тодруулбал, 

Хөдөө орон нутгийн иргэд хурууны хээ уншуулж байж хөнгөлөлттэй эм авах нь хүндрэл дагуулж ирсэн. Тэгвэл энэ сарын 1-нээс эхлэн хэд хэдэн чиглэлд өөрчлөлт оруулжээ. 

• Хөнгөлөлттэй нөхцөлөөр олгодог эмийг хөнгөлөлтийг бууруулсан байсныг хуучин хэмжээнд хүргэж нэмэгдүүлэх,
• Хөдөө, орон нутгийн иргэд сар бүр сум руугаа орж хурууны хээ уншуулж байж хөнгөлөлттэй эм уншуулдаг байдлыг өөрчилж, багийн эмчийнх нь жороор олгодог болох,

Түүнчлэн эрүүл мэндийн салбарт тулгарч буй зарим асуудлыг шийдэх хүрээнд дөрвөн хуульд өөрчлөлт оруулах аж. 

Тодруулбал, Нийгмийн эрүүл мэндийн хууль, Эмийн тухай хууль, Тусгай сангийн тухай хууль, Дархлаажуулалтын тухай хуульд өөрчлөлт оруулах юм байна.  Түүнчлэн Эрүүл мэндийн тухай хууль, Эмнэлгийн тусламж,  үйлчилгээний тухай хууль, Эрүүл мэндийн даатгалын тухай хуульд нэмэлт өөрчлөлт зэрэг багц хуулийн төслүүдийг УИХ-д оруулж ирэхээр төлөвлөжээ. 

Мөн гүйцэтгэлийн санхүүжилтэд өөрчлөлт оруулахаар Сангийн яамтай ярьж байгаа аж.