Казахстаны парламентийн доод танхимын сонгууль холимог тогтолцоогоор явагдана

Парламентын Мажилис болон ИТХ-ын сонгуулийг хугацаанаас өмнө буюу 2023 онд хийх тухай шийдвэрийг Ерөнхийлөгч Касым-Жомарт Токаев өнгөрсөн оны 9 сард  гаргасан билээ. 

Дээрх 2 ээлжит бус сонгууль нь нийт Казахстанчуудын дэмжлэгтэйгээр өнгөрсөн жилд эхэлсэн үндсэн  хуулийн шинэчлэлийн үргэлжлэл гэдгийг онцлон дурдмаар байна.

Парламентын доод танхимын 8 дахь сонгууль нь 2004 оноос хойш анх удаагаа холимог тогтолцоогоор болох гэж байна. Ингээд Мажилисийн гишүүдийн 70 хувь нь намын жагсаалтаар харин үлдсэн 30 хувь нь 1 мандаттай тойрогоос сонгогдохоор болж байна.

 Мөн гишүүдийн нийт тоо нь 107 байсныг 98 болгож багасгажээ. Муж болон улсын томоохон хотуудын иргэдийн төлөөлөгчид мөн холимог системээр буюу 50 хувь нь 1 мандаттай тойргоор, 50 хувь нь намын жагсаалтаар сонгогдох юм. 

Харин аймаг, сумдын сонгуулиар иргэд зөвхөн 1 мандаттай тойрогоос гарсан нэр дэвшигчдэд саналаа өгнө. Ингэснээр Мажилис болон ИТХ нь тэр чигтээ шинэ жишгээр сонгогдохоор болж байна.