Ч.Сайханбилэг, Т.Бадамжунай, Н.Удаанжаргал нарын оргон зайлсан 92 хүнийг зарлалаа

ХЗДХ-ийн сайд Х.Нямбаатар гадаад улс руу оргон зайлсан этгээдүүдийн талаар мэдээлэл хийж байна.

Тэрбээр "Ерөнхий сайдаас өгсөн  үүрэг чиглэлийн дагуу ХЗХЯ-аас Ерөнхий прокурор, АТГ, Тагнуулын Ерөнхий газар, ЦЕГ-т албан бичиг хүргүүлсэн. Мөрдөн шалгах ажиллагаанаас оргон зайлсан нийт  90 хүн байна. Үүнээс авлига, албан тушаалын гэмт хэрэгт шалгагдаж байхдаа оргосон  7 хүн байна. Өнөөдөр 2 хүн нэмэгдэх байх. Тодруулбал  Т.Бадамжунай, Н.Удаанжаргал нар яллагдагчаар татахаас өмнө гадагшаа гарсан. Энэ хоёр хүнийг яллагчдаар татах саналыг АТГ өнөөдөр нийслэлийн  прокурорын газарт хүргүүлсэн. Тогтоолыг баталсан тохиолдолд олон улсын түвшинд эрэн сурвалжилна.

 Ингэснээр нийт 92 хүнийг гадны улсаас эх орондоо авчирна. Дээрх хүмүүст авсан таслан сэргийлэх арга хэмжээ өнөөдөр хэрэгжихгүй байна. Хилээр гарахыг хориглосон байхад гадагш гараад байгаа учраас улсын бүртгэлийн байгууллагад бүртгэлтэй байгаа гадаад паспортны хөдөлгөөнд хязгаарлалт тогтоох мөрдөгчийн саналаар арга хэмжээ авах боломжтой эсэхийг УЕП-т хүргүүлсэн" гэв.