Газар хөдлөлтийн мэргэжилтнүүд олон жилийн өмнөөс анхааруулж байжээ

Турк улсад газар хөдлөлтөд нурсан барилгуудын хэргээр 1000 орчим барилгын гүйцэтгэгч болон үл хөдлөх хөрөнгийн эздийг шалгаж байна.

Өчигдөр Туркийн Хууль зүйн сайд Бекир Боздаг нурсан барилгуудтай холбоотой шалгагдаж буй бүх хүмүүсийг баривчилсан байгааг мэдэгдэв. Мэргэжилтнүүдийн олон жилийн турш анхааруулсаар ирсэн бөгөөд анхааруулсаар байхад аюултай барилгуудыг барьсан нь байгалийн гамшгийн нөлөөг нэмэж дордуулсан, тус улсад барилгын норм дүрэм бараг мөрддөггүй, зарим барилга нь газар хөдлөлтийн инженерийн стандартын шаардлага хангаагүйгээс болж энгийн үед ч нурж байсан тухай мэдээллүүд гарч эхэллээ. Барилгын мэргэжилтнүүд Ерөнхийлөгч Режеп Тайип Эрдоганыг “барилгын дүрэм журмыг мөрдүүлэх боломжтой байсан гол хүн байж огт анхаараагүйгээс бүх нийтийг хамарсан томоохон сүйрэл болсон” гэж буруутгаж байна. Баривчлагдсан хүмүүсийн дунд газар хөдлөлтөд нэрвэгдсэн нэг хотын дарга байсан гэж Туркийн хэвлэлүүд мэдээллэсэн.

Эх сурвалж: Аljazeera