Нуранги доороос 147-149 цагийн дараа 10 настай охин, 35 настай эрэгтэйг аварчээ

Туркийн өмнөд хэсгийн Хатай мужид хөдлөлтөөс 147 цагийн дараа нуранги дороос 10 настай охиныг аварсан тухай Истанбул хотын захиргаа мэдээллээ. Хотын захиргаанаас CNN-д хуваалцсан видео бичлэгт эрэн хайх, аврах багийнхан Куди хэмээх охиныг нурангиас гаргаж, дамнуурга дээр зөөж буйг харуулсан байна. Амьд үлдсэн өөр нэг хүн бол 149 цагийн дараа олдсон Мустафа Сарыгул гэгч 35 настай эрэгтэй бөгөөд Ням гаригт тус мужийн зургаан давхар орон сууцны нуранги доороос аварсан байна. Өдөр өнгөрч, цаг явах тусам аврах багууд амьд хүн олох найдлага тасарч байсан тул олон цагийн дараа нуранги доороос ийнхүү 2 хүнийг амьдаар аварсан нь олон хүмүүст урам зориг, итгэл найдвар өглөө.

Эх сурвалж: CNN

Гэрэл зураг: Туркийн Хатай мужид 149 цаг нурангин дор байсан Мустафа Сарыгүлийг эмнэлгийн тусламж үзүүлхээр дамнуурга дээр авч явна. Mustafa Yilmaz/Anadolu Agency/Getty Images