Д.Лүндээжанцан: Ерөнхийлөгч бүх асуудалд оролцогч субьект биш

Монгол Улсын Ерөнхийлөгч нь Монгол Улсын төрийн тэргүүн бөгөөд Монгол Улсын Үндсэн хуулийн дагуу Ерөнхийлөгчийг Улсын Их Хуралд суудалтай улс төрийн нам, эвслээс нэр дэвшүүлж, бүх ард түмний сонгуулиар шууд сонгодог. Ерөнхийлөгч нь Монголын ард түмний эв нэгдлийн бэлгэдэл учраас улсын Ерөнхийлөгчөөр сонгогдсон хүн аливаа улс төрийн намаас татгалздаг. 

Энэ хүрээнд гавьяат хуульч, доктор, профессор УИХ-ын гишүүн асан Д.Лүндээжанцан Ерөнхийлөгч гэж хэн бэ гэдэгт байр сууриа илэрхийллээ. Тэрбээр “Монгол Улсын Ерөнхийлөгч өдөр тутмын бүх ажилд орох субьект биш, гагцхүү улс эх орны эв нэгдэл гадаад улсад өөрийн орны байр суурийг илэрхийлэгч байх учиртай. Түүнээс Засгийн газрын асуудлуудад оролцоод байх учиргүй. Зарим иргэд Ерөнхийлөгчийн засаглалтай оронтой харьцуулдаг шиг байгаа юм" хэмээлээ.