ХЗДХ-ийн сайд Х.Нямбаатар өнөөдөр Жорж Ченийг ажлаас нь чөлөөлүүлэх хүсэлтээ илгээнэ

ХЗДХ-ын сайд Х.Нямбаатар өнөөдөр /2023.02.06/ "Мета компани"-ий төв Ази, Хятад, Монгол Улсын олон нийтийн бодлого хариуцсан захирал Жорж Ченийг ажлаас нь халж өгөөч гэдэг албан бичгийг Фэйсбүүк компани руу илгээнэ хэмээн өнгөрсөн долоо хоногт мэдэгдэж байсан.

"Харин “Мета” компанийн төв Ази, Хятад, Монгол Улсын олон нийтийн бодлого хариуцсан захирал Жорж Ченийн хувьд  Хууль зүй дотоод хэргийн сайд Х.Нямбаатар худал мэдээлэл түгээж, иргэдийн мэдэх эрхэнд халдсан хуулиа тооцоо судалгаатай боловсруулсан, олон улсын түвшинд хамтран ажилласан хэмээн олон нийтийг төөрөгдүүлсэн байж болзошгүй" хэмээн жиргэсэн бол Х.Нямбаатар хэвлэлд өгсөн мэдээлэлдээ "Жорж Чентэй уулзсан хоёр цаг 30 минутын аудио бичлэгийн протокол бий. Туурга тусгаар улсын төрийн яамыг олон нийтийн мэдээллийн хэрэгслээр гарч ирээд илтэд гүтгэж дайрах нь байж болохгүй зүйл, тэгээд л Мета компани улс орны дотоод хэрэгт оролцох ёсгүй. Оролцохын дээдээр оролцлоо. Манай улсын төрийн зарим албан хаагч руу дарамталсан мэйл явуулсан байсан" гэж байсан юм.