Ж.Чинбүрэн: Түүхий нүүрсний хүхэрлэг исэл элэгний хорт хавдар үүсгэдэг нь судалгаагаар батлагдсан

УИХ-ын гишүүн Ж.Чинбүрэн түүхий нүүрсний хүхэрлэг исэл элэгний хорт хавдар үүсгэдэг болох нь судалгаагаар нотлогдсон талаар ярилаа.

Тэрбээр " Би ХСҮТ-ийн эмч байхдаа  элэгний хорт хавдар үүсгэгчийг молекул, генетикийн түвшинд авч шинжилсэн нэлээд том судалгааг таван жилийн өмнө эхлүүлж байсан. Энэхүү судалгааг манай улс дангаараа хийж чадахгүй, асар их өртөг орохоос гадна өндөр технологитой лобартари шаардлагатай. Тиймээс Испани болон АНУ-ын судалгааны багтай хамтарч хийсэн. Судалгаанд 200 гаруй элэгний хорт хавдартай өвчтөнүүдийн материалд молекул, генетикийн түвшинд яг элэгний хорт хавдар үүсгэж байгаа шалтгаанууд нь юу байгааг нарийвчлан судалсан. Судалгааны үр дүн сая АНУ-ын томоохон Кансресурч гэдэг том сэтгүүл дээр хэвлэгдсэн байна.

Үүнээс гарсан үр дүнг харахад,  Монгол Улсад элэгний хорт хавдар үүсгэгч нь B, C вирус мөн, түүн дотроо B вирус D вирустэй хавсарсан байх нь элэгний хорт хавдрыг үүсгэдэг генийн мутациуд гол нөлөөлөх хүчин зүйл болж байгаа нь харагдсан.  Тиймээс D вирусийн хавсарсан халдвартай байгаа хүмүүс элэгний хорт хавдраар өвдөх магадлал өндөр байдаг гэдгийг молекулын түвшинд баталсан.

Мөн шинэ нээлт маягийн өөр нэг зүйл судалгаагаар нотлогдсон нь хүнд металын хордлогын нөлөөтэй молекулын мутациуд бий болсныг тогтоосон. Үүнийг нарийвчлан судлаад үзэхээр хүхрийн исэлтэй холбоотой байсан. Хүхрийн исэл нь түүхий нүүрс шатааснаас үүсдэг нөлөөлөл байна гэсэн хариу гарсан. Тиймээс хавдар туссан дөрвөн хүн тутмын нэгд энэ шалтгаан давхар байгааг судалгааны дүн баталсан" гэлээ. Хүхрийн исэлийг бууруулах нь чухал, түүхий нүүрс түлэх нь элэгний хавдрыг үүсгэж байна гэсэн үг. Тиймээс аль болох шахмал түлшээ сайжруулах хэрэгтэй байна" гэлээ.