Хөвсгөл нуур, Цаатан ахуй, Үндэстнүүдийн соёл, уламжлалтай танилцах аялалд урьж байна

2023 он Хөвсгөл аймагт зочлох жил болгон зарласан. Энэ хүрээнд тус аймаг хэрхэн ажиллаж байгаа талаар, Хөвсгөл аймгийн ЗДТГ-ын Аялал жуулчлал эрхэлсэн зөвлөх О.Мөнхсайханаас тодрууллаа.

Хөвсгөл аймгийн засаг даргын тамгын газраас энэ жилтэй холбогдуулан олон тооны ажлыг хийж хэрэгжүүлж эхлээд байна. Энэ хүрээнд тус аймгийн зориг ирэх жуулчдын очих бүсүүдийг тодорхойлох, аянчин гийчдэд зориулсан арга хэмжээ болон үйлчилгээний газруудыг тодорхой болгох зэргээр бэлтгэл ханган ажиллаж байна.

Мөн аялал жуулчлалаас олох орлогыг орон нутгийн иргэдэд үлдээхэд анхаарч байна. Тус аймгийг зорин очих жуулчдад зөвхөн Хөвсгөл нуураас гадна, Цаатан ахуйтай танилцах, бусад үндэстний соёл, уламжлалыг сурталчлах зэрэг ажлыг төлөвлөн ажиллаж байна.