Ж.Чинбүрэн: Элэг хамгаалах, дэмжих эмнүүдийг хөнгөлөлттэй жагсаалтад оруулах шаардлагыг хүргүүлнэ

 Өнөөдөр “Элэгний В, Д вирустэй тэмцэгчид” ТББ-ын санаачилгаар "Элэгний Д вирустэй иргэдийн үндэсний зөвлөлдөх уулзалт”-ыг зохион байгууллаа. 

Монгол улсын хот, хөдөөгийн 10-64 насны хүн амын 8.1% нь гепатит С вирусийн халдвартай, 9.4% нь гепатит В вирусийн халдвартай, тэдгээрийн 51.3% нь гепатит В, Д вирусын хавсарсан халдвартай байна. Өнөөдрийн
байдлаар Монгол улсад элэгний В вирустэй 450 000 орчим хүн, түүнээс Д компонент хэлбэртэй 240 000 орчим хүн байгаа гэх албан бус тоо мэдээлэл бий бөгөөд сүүлийн 10 жилийн хугацаанд хүн амын дундах В вирусын тархалт 11.8 хувиас 10.6 хувь болон буурсан боловч В вирустэй эерэг хүмүүсийн дунд Д
хэлбэрийн тархалтыг 60-80% хэмээн тодорхойлжээ.

Өнөөдрийн уулзалтад УИХ-ын гишүүн Ж.Чинбүрэн оролцож, Элэг хамгаалах, дэмжих эмнүүдийг хөнгөлөлттэй жагсаалтад оруулах шаардлагыг хүргүүлэх зэргээр энэ чиглэлд төрд дуу хоолойгоо хүргэн ажиллана гэсэн юм.