Ц.Ижилмөрөн: Орон гэртэй, машин тэрэгтэй байж болохгүй юм уу, хүүхдийнхээ мөнгийг авмаар байна

Хүүхдийн мөнгөний талаар ээжүүд мэдээлэл хийсэн. Иргэн Ц.Ижилмөрөнгийн байр суурийг хүргэж байна.

 Миний мэдээлэл огт зөрүүтэй гарсан. Манай хаяг дээр амьдардаггүй хүмүүс гарч ирээд emongolia дээр тэдгээр хүмүүсийн орлого орж ирсэн байсан. Миний сарын орлого цалинтай ээжийн 50 мянган төгрөг гэж явдаг. Энэ алдааг засуулахаар би бүх шатны байгууллагад хандаж үзсэн. Хороон дээрээ очиход за ойлголоо засаад өглөө гэсэн. Түүнээс хойш гурван хоногийн дараа emongolia дээр засвар орохдоо өөрчлөлт нь дутуу байсан. Орох оронтой, унах унаатай гэдгээр хүүхдийн мөнгөнөөс хасагдаж байгаа нь үнэхээр байж боломгүй асуудал. Бид чинь эцэг эх болсон хүмүүс үр хүүхдээ дулаан гэр оронд амьдруулах, сургууль цэцэрлэгт нь зөөх машин тэргээр хангах үүрэгтэй. Энэ бол хүний анхан шатны хэрэгцээ.