Өрх толгойлсон ээжүүд хүүхдийн мөнгөний асуудлаар МҮСХ-нд шаардлага хүргүүллээ

Өнөөдөр өрх толгойлсон ээжүүд хүүхдийн мөнгөний асуудлаар МҮСХ-нд шаардлага хүргүүллээ. 

Өрх толгойлсон ээжүүд:  Засгийн газраас хүүхдийн мөнгийг халамж гэж зарласан. Хүүхдийн мөнгийг хүн амын 91 хувьд олгоно гэж байгаагаас үзэхэд хүн амын 91 хувь нь зорилтот бүлэг багтах нэн ядуу орон юм байна. Халамж хүрэх ёстой эздэдээ хүрэх ёстой. Гэтэл халамж хүрэх ёстой хүмүүстээ хүрээгүй байна.

Орлогыг тооцоолол дээр нь алдаа гарсан юм болов уу? өрхийн орлогыг тооцоолон хүүхдийн мөнгө олголт хийнэ гэж байгаа нь бодит бус санагдаж байна. Бидний зарлагыг тооцож чадахгүй байгаа юм бол зээлийн мэдээллийн санг тусгаж өгөөч.

МҮСХ, ХНХЯ болон арав гаруй байгууллага судалсан гэж байгаа. Тэд хэдэн төгрөгөөр судалгаа хийсэн бэ? Хэдэн хүүхэд хохирсон бэ? Гэж асуумаар байна. Бид зээлийн мэдээллийн санг тусгаж өгөхийг шаардаж байна.

Зөвхөн нийгмийн даатгал дээр суурилсан орлогоос болж хүүхдийн мөнгөнөөс хасуулж байгаа нь өрөөсгөл ойлголт. Яагаад орлогын бохир дүнгээр тооцож хүүхдийн мөнгийг хасаж байгаа юм. Бидний татвар, нийгмийн даатгалд төлдөг мөнгийг хасаж тооцохгүй байгаад бухимдаж байна. 

Өрх толгойлсон бид 30-40 саяын орлоготой, 2-3 автомашинтай байх боломжгүй шүү дээ гэсэн юм.