Л.Гантөмөр 152 хүний саналаар Ардчилсан намын даргаар сонгогдлоо

АН-ын даргыг сонгох санал хураалтын тоолж дууслаа. Саналыг тоолоход АН-ын даргын сунгаанд УИХ-ын гишүүн асан Л.Гантөмөр 152, С.Баярцогт 129, З.Нарантуяа 12 хүний санал авчээ. Тиймээс АН-ын шинэ даргаар Л.Гантөмөр сонгогдоод байна. Ардчилсан намын шинэ дарга 2024 оны УИХ-ын сонгуульд намаа удирдан оролцох өндөр хариуцлагыг хүлээж байгаа юм.  

Лувсаннямын Гантөмөр нь  Улсын Их Хурлын гишүүн, Боловсрол шинжлэх ухааны сайдаар ажиллаж байсан.

Боловсрол: 

• 1981-1991 онд Увс аймгийн Улаангом хотын 10 жилийн 1 дүгээр дунд сургууль
• 1993-1996 онд Японы Сэндай Дэнпа коллежийг харилцаа холбооны инженер мэргэжлээр
• 1996-1999 онд Японы Нагаокагийн Техник Технологийн их сургуулийг электроникийн инженер мэргэжлээр төгссөн

Эрхэлж байсан ажил, албан тушаал: 

• 2000-2004 онд “Сэтгэшгүй трейд” ХХК-ийн дэд захирал,
• 1999-2000 Шинэ-Үе залуучуудын байгууллага, СБД-ийн дарга
• 2000-2007 онд Ардчилсан залуучуудын холбооны дэд ерөнхийлөгч,
• 2007-2010 онд Ардчилсан залуучуудын холбооны ерөнхийлөгч
• 2004-2008 онд Монгол Улсын Их Хурлын гишүүн,
• 2005-2006 онд Ёс зүйн дэд хорооны дарга,
• 2006-2007 онд УИХ-ын Эдийн засгийн байнгын хорооны дарга
• 2008-2012 онд Монгол Улсын Их Хурлын гишүүн
• 2009-2012 онд УИХ дахь Ардчилсан намын бүлгийн дэд дарга
• 2012-2016 онд УИХ-ын гишүүн, Боловсрол, соёл, шинжлэх ухааны сайд

Сонгуульт ажил: 

2010 онд Улаан загалмайн нийгэмлэгийн дэд ерөнхийлөгч 2010 оноос Ардчилсан залуучуудын холбооны хүндэт ерөнхийлөгч 2005 оноос Жижиг дунд үйлдвэрийн хөгжил нэгдсэн холбооны ерөнхийлөгчөөр ажиллаж байсан юм.