З.Нарантуяа: Би намын дарга болбол олон фракцын эсрэг ажиллана

Ардчилсан Нам(АН)-ын ҮБХ-ны ээлжит бус хурал өнөөдөр болж байна. Уг хурлын үр дүнд АН-ын даргыг сонгох юм. 

АН-ын даргад нэр дэвшигчид өчигдөр орой үнэмлэхээ авсан. АН-ын даргад:

• УИХ-ын гишүүн асан З.Нарантуяа
• Сангийн сайд асан С.Баярцогт
• УИХ-ын гишүүн С.Одонтуяа
• БСШУ-ны сайд асан Л.Гантөмөр нар өрсөлдөхөөр болсон. 

УИХ-ын гишүүн асан З.Нарантуяа намын даргад нэрээ дэвшүүлжээ. Тэрээр "Намын нийт гишүүний тал нь эмэгтэйчүүд байдаг. ҮБХ-ны 76 гишүүн нь эмэгтэйчүүд тул тэднийг төлөөлөн нэрээ дэвшүүлсэн. 

АН-ын одоогийн байдал манай улсын улс төрийн намын төлөвшлийг ил тод харуулж байна. МАН эрх баригч нам болоод сөрөг хүчнийхээ хүчийг сулруулах биш харин ч хамтдаа өрсөлдөх ёстой байсан ч тэгсэнгүй.

АН олон фракцаас бүрдсэн нам байв. Гэвч фракц тус бүрийн эрх ашгийн улмаас нам хүнд байдалд орсон. Би намын дарга болбол олон фракцын эсрэг байна. 2024 онд өөрийнхөө тойргоос УИХ-ын гишүүнд өрсөлдөнө" гэсэн юм.