Б.Жавхлан: Иргэдийг ирүүлэхгүйгээр мэдээллийг засахаар ажиллаж байна

Засгийн газраас Хүүхдийн мөнгөний асуудлаар мэдээлэл хийлээ. Сангийн сайд Б.Жавхлан “Иргэд өрхийн мэдээллээ засуулахаар идэвхтэй ажиллаж байна. Энэ нь ажилд сайн үр дүн өгч байна.  Яг одоогийн байдлаар 1 095 352 хүүхдийн мөнгөний гүйлгээ эхэлж, дансанд нь орж байна.

 Нийт хүүхдийн 87 хувийн дансанд өнөөдөр мөнгө орно. Үлдсэн 43 820 хүүхдийн мэдээллийн давхардал, зөрүүтэй байдалд ажиллаж байна. Энэ бол 3-4 цагийн процесс. ХНХЯ-ны Статистикийн газраас нэлээд зохион байгуулалт хийж, аль болох иргэддээ хүндрэл учруулахгүйгээр, биеэр очих шаардлагагүйгээр мэдээллүүдийг засаж, зөрүүг арилгах тал дээр хичээж ажиллаж байгаа. УБЕГ-т бүртгэлээ лавлах сайт ажиллуулж байгаа. Энэ нь иргэдийг хүндрүүлэхгүйгээр онлайн хэлбэрээр мэдээллийг засах боломжийг өгч ажиллаж байгаа" гэв.